Lucas 15:6 - Ing Mayap a Balita Biblia

⁶ at iyuli ne. Kaybat kumbiran na la ngan ding kakaluguran na at kasiping bale. Sabian na karela, Matula kung tutu uling ikit ke ing tupa kung mebating; munta kayu keni; magsaya tamu!

Lucas 15:6 Iomraidhean Croise

Ding Dalit 119:176

Mengari ku king tupa a mebating; ining kekang talasuyu keka ya sanang panintunan, uling e ku la kelinguan ding kekang kautusan.

Lucas 1:58

Abalu da ring siping nang bale at kamaganak ing makapagmulala nang kayapan ning Ginu kang Elizabeth. At mekipagsaya la ngan kang Elizabeth.

Lucas 15:10

Sasabian ku kekayu king makanyan munamang mika kasayahan karing anghel na ning Dios uli na ning makasalanan a sisisi at painggulut king kasalanan na.

Lucas 15:24

Uling ing anak kung iti mete ne, oneng sinubli yang mebie; mebating ya, oneng meyakit yang pasibayu. At megumpisa lang migsaya.

Lucas 15:5

At nung akit na ne, masaya neng pusanan karing pago na

Lucas 15:7

Sasabian ku kekayu king makanyan munamang mika maygit a kasayahan karin banua uli na ning makasalanan a sisisi at ginulut king kasalanan na kesa karing siam apulu't siam a banal a e kailangan sumisi.

Juan 15:14

Kakaluguran da kayu, nung tuparan yu la ding utus ku.

Juan 3:29

Bandi ne ning lalaking kakasal ing babaing ikakasal na. Manenaya ya ing kakaluguran ning lalaking kakasal at makiramdam king paniatang na at maragul ing tula na kabud damdaman na ing bosis ning lalaking kakasal. Makanyan maging ganap ing tula ku ngeni.

Ding Dapat 11:23

Inyang miras ya karin at ikit na nung makananu na lang dininan grasya ning Dios, metula ya at pinayuhan na la ngan manatiling tune at tapat king Ginu a kayabe na ning mikakalukung lugud.

Ding Dapat 15:3

Inya linakad la bilang tubud na ning iglesia, at king pamandalan da king sakup ning Fenicia at Samaria pemalita ra nung makananu lang mekonberti ding paganu. Iti minie maragul a tula karing sablang talasalpantaya.

Filipos 1:4

Neng manalangin ku para kekayu, manalangin kung mitmung tula

Filipos 2:17

Nung ing daya ku kailangan yang miyabe tumulu king sakripisyung yayain na ning kekayung kasalpantayanan, masaya ku pa mu rin at matula a kayabe yu.

Filipos 4:1

Uli na niti, kapatad ku at kakaluguran a tutu kung pakamalan at buri ku nang buring akit, makanyan kayung kailangan manatiling matatag king pamibiebie yung makayabe king Ginu. Ikayu ding tula ku at pagmaragul!

1 Tesalonica 2:19

Ala kaming aliwang kapanayan nune mu ikayu. Ikayu ing kekaming tula at korona na ning tagumpe a apagmaragul mi arap ning Ginung Jesus potang datang yang pasibayu.

1 Pedro 2:10

Kanitang misan e kayu man metung a balen, oneng ngeni balen kayung pinili na ning Dios; kanitang misan e yu man balu ing lunus na ning Dios, oneng ngeni tinggap yu ing lunus na.

1 Pedro 2:25

Mengari kayung tupang melili; oneng ngeni migbalik na kayu king Pastul at Talaingat da ring kekayung kaladua.