Lucas 15:4 - Ing Mayap a Balita Biblia

⁴ O nu mong ing metung kekayu atin yang dinalan a tupa at mebating ya ing metung kareti, nanu ing daptan na? Lakuan na la ding siam apulu't siam king pastulan at panintunan ne ing mewala anggang e ne akit.

Lucas 15:4 Iomraidhean Croise

Ding Dalit 119:176

Mengari ku king tupa a mebating; ining kekang talasuyu keka ya sanang panintunan, uling e ku la kelinguan ding kekang kautusan.

Isaias 53:6

Mengari tamung tupang mebating; ing balang metung kekatamu minarap ya king sarili nang dalan. Oneng ing Ginu tilutan nang dugpa king keyang talasuyu ing kaparusan, itang parusang kekatamu mangaintuliran.

Jeremias 33:13

Karing balen karing bulubundukan, king lele ding bunduk-bundukan at king dane mauli ning Juda, king gabun ning tribu ning Benjamin, karing baryung makapadurut king Jerusalem, at karing balen ning Juda pasibayu lang mamilang ding pastul karing tupa ra. Aku, ing Ginu, ing migsalita.

Jeremias 50:6

Mengari la ding taung kanakung pinili karing tupang pepaburen da ring pastul da; mewala la karing bunduk. Kalupa da la ring tupang maggala-gala karing miyayaliwang bunduk at akalinguan da nung nu ya karin ing karelang tuknangan.

Ezekiel 34:16

Panintunan ku la detang mebating, ibalik ku la detang melili, uluan ku la ding mesugat, at pakayapan ku la detang ating sakit; oneng paten ku la detang mataba at masikan, uling aku metung kung pastul a darapat ketang matulid.

Ezekiel 34:31

Ikayu, kanakung tupa, ing kawan a kanakung sesesen; ding taung kanakung pinili at aku ing kekayung Dios, ngana ning Ginung Dios.

Ezekiel 34:4

E yu la lingapan ding maina, e yu la pepakayap ding masakit, e yu la inulu ding mesugat, at e yu la penintun ding melili o ding mebating. Bagkus meging mabagsik kayu karela.

Ezekiel 34:8

Kabang aku ing Dios a mabie, mayap ing makiramdam kayu kanaku. Lisuban da la ring mabagsik a animal ding kanakung tupa; pete da la at pengan uling ala lang pastul. E da la pigkapilitan penintun ding kanakung pastul ding tupa. Ing sarili da ya ing lilingapan da at aliwa ding tupa.

Mateo 12:11

Mekibat ya i Jesus, Nu mong ing metung kekayu atin yang metung a tupa at menabu ya king kulkul king Aldo ning Sabbath, e ne mo kaya kuldasan at saka ne isaka?

Lucas 13:15

Mekibat ya ing Ginu, Hipokrita! E ye wari kakalagan king kural ing kekayung baka o asno at painuman agyang Aldo ning Sabbath?

Lucas 15:3

Inya sinabi neng Jesus karela iting talimhaga:

Lucas 19:10

Uling dinatang ya ing Anak ning Tau ban panintunan na la at iligtas ding mebating.

Roma 2:1

Inya, kakaluguran ku, ala yang bitasang matulid ing ninuman kekayu a matul karing aliwa. Uling king pamanatul mu karing aliwa atulan mu na pati na ing kekang sarili uling ing dapat mu alang pangayaliwa ketang dapat na.

1 Pedro 2:25

Mengari kayung tupang melili; oneng ngeni migbalik na kayu king Pastul at Talaingat da ring kekayung kaladua.