Lucas 15:25 - Ing Mayap a Balita Biblia

²⁵ Atyu kanita king marangle ing anak a pangane. Inyang pauli ya at malapit na king bale, mekaramdam yang tigtigan at terakan.

Lucas 15:25 Iomraidhean Croise

2 Samuel 6:14

Misulud yang linen a efod at masaya yang tinerak anggang binit na king arapan ning Ginu.

Ding Dalit 126:1

Inyang binalik na kami ning Ginu karin Jerusalem balamu wari maninap kami mu.

Ding Dalit 149:3

Purian ye ing lagyu na kapamilatan ning pamanerak; manigtigan kayu karing tambul at alpa, at purian ye.

Ding Dalit 150:4

Purian ye kayabe ding tambul at king terak; purian ye kayabe ding alpa at plauta!

Ding Dalit 30:11

Inalilan mung pamanerak ing kakung kalungkutan; leko mu ing paldas kung imalan, king tula karin mu ku belabalan.

Exodo 15:20

Ing propetang i Miriam a kapatad nang Aaron, kinua ne ing pandereta na at tikian de ring sablang babai; titigtig lang pandereta at teterak la.

Ecclesiastes 3:4

Ating panaun ning pamangiak, at ating panaun ning pamangayli uli ning tula; ating panaun ning kalungkutan, at ating panaun ning pamanerak.

Jeremias 31:4

Pasibayu da kayung italakad. Pasibayu da kayung patigtigan karing kekong pandereta at terak kayung masaya.

Lucas 15:24

Uling ing anak kung iti mete ne, oneng sinubli yang mebie; mebating ya, oneng meyakit yang pasibayu. At megumpisa lang migsaya.

Lucas 15:26

Inaus ne ing metung karing ipus at kitnan ne, Nanu ing malilyari keti?

Lucas 7:32

Mengari la karing anak a pakalukluk king plasa. Ing metung a grupu sabian na king aliwa, Menigtigan keng masayang musika para kekayu, oneng e kayu tinerak! Migkanta keng malungkut, oneng e kayu tinangis!