Lucas 15:23 - Ing Mayap a Balita Biblia

²³ Kuanan ye ing pataban a biserung baka at paten ye; mangan tamu at magsaya!

Lucas 15:23 Iomraidhean Croise

Genesis 18:7

Minta ya karing sese nang animal at kinangwa yang metung karing masanting a baka, at pepalutu neng agad king ipus na.

Ding Dalit 63:5

Ing kaladua ku kumabsi ya antimo neng ating piesta, pagkanta da ka karing masayang kanta ning kapurian.

Ding Kasebian 15:17

Mas mayap ing gule ing ulam a kayabe ding kaluguran kesa king karning pamangan libutad ding taung kekang kasaman.

Ding Kasebian 9:2

Mekamate yang metung a animal ban magtau; biluganan nang miyayaliwang sangkap ing alak at inapag na king lamesa.

Isaias 25:6

Keting Bunduk ning Zion magsadia yang dakal a pamangan at inuman ing Ginung Mayupaya para karing sablang bansa keti king yatu. Maniaman a pamangan at mangamal diling alak ing pepasadia na.

Lucas 15:22

Oneng sinabi na ning tata karing ipus na, Mamalagua kayu! Dala ye keni ing masanting diling imalan at ipasulud ye keya. Pasuluran yeng singsing at sandalyas.

Lucas 15:24

Uling ing anak kung iti mete ne, oneng sinubli yang mebie; mebating ya, oneng meyakit yang pasibayu. At megumpisa lang migsaya.

1 Samuel 28:24

Atin yang pataban a biserung baka ing babai king bale na; agad-agad neng kinatat at saka ya kinangwang arina. Singkapan na at saka ya miglutung tinape a alang lebadura.