Lucas 15:22 - Ing Mayap a Balita Biblia

²² Oneng sinabi na ning tata karing ipus na, Mamalagua kayu! Dala ye keni ing masanting diling imalan at ipasulud ye keya. Pasuluran yeng singsing at sandalyas.

Lucas 15:22 Iomraidhean Croise

Genesis 41:42

Kaybat na nita, likas ne ning ari ing singsing nang panatak at pepasulud ne kang Jose, at pepapiblasan neng imalan a mangamal at pepasuluran neng gintung kwintas king batal na.

Ester 3:10

Likas ne ning ari ing singsing nang ating panatak at binie ne kang Haman, ing Agageo at anak nang Hamedata at kalaban da ring Judio.

Ester 8:2

Likas ne ning ari ing singsing nang ating panatak a kinua nang pasibayu kang Haman at binie ne iti kang Mordecai. At tilduan na ne mang Ester i Mordecai bilang katiwala king pibandian a likuan nang Haman.

Ding Dalit 132:16

Papagtagumpen ku ing sablang gagawan ding pari na; magkanta la at kulisak king tula ding sablang memalen na.

Ding Dalit 132:9

Ding kekang pari ing matulid ya sanang karelang gawan; kekang memalen king tula kulisak la sana!

Ding Dalit 18:33

Bitis ku gewa mong kasing bilis ding king usa; tetagan mu kakung talakad karing lugal a matas.

Ding Dalit 45:13

Ing prinsesang king palasyu manuknangan ala yang kalupa king lagu na; ing imalan nang susulud megawa king gintung sinulad.

Ing Malagung Diling Kanta 7:1

Tune lang malagung lalawan ding kekang bitis neng makasulud lang sandalyas. Ing ubug da ring kekang puad anti lang alahas a seria nang gewa ning magaling a pangamat.

Isaias 61:10

Magsaya ya ing Jerusalem uli ning depat ning Ginu. Mengari ya king dalagang makaimalan pangkasal. Pibablas ne ning Ginu king tagumpe at kaligtasan!

Lucas 15:21

Ngana ning anak, Tatang, mikasala ku king Dios at keka. E na ku karapatdapat mayaus pang anak mu.

Lucas 15:23

Kuanan ye ing pataban a biserung baka at paten ye; mangan tamu at magsaya!

Roma 13:14

Paburen yung i Jesu-Cristo a Ginu ya ing maging paniagka yu; e yu na panusigan ing e mayap nang pamitan ning kekayung keinan.

Roma 3:22

Lalapit na la ning Dios ding tau king sarili na king kapamilatan na ning kasalpantayanan da kang Jesu-Cristo. Daraptan na iti ning Dios karing sablang taung sasalpantaya kang Cristo. Paraparehu la ngan

Roma 8:15

Uling ing Espiritu a binie na ning Dios kekayu e na kayu papalyarian ipus ba kayung pasibayung mangatmung takut; nune papalyarian na kayung maging anak na ning Dios. Potang ausan ta ya ing Dios: Tatang, Tatang ko!

Galacia 3:27

King pangabinyag yu miyabe kayu kang Cristo. Mipiblasan kayu king bie na mismung Cristo.

Efeso 6:15

At isulud anting sapatus karing bitis yu ing sipagan manaral king Mayap a Balita a babie kapayapan.

Deuteronomio 33:25

Ding pasbul ding pader ning balen na bakal la at tangsu; manatili ing sikanan na kabang mabie ya.

Kapahayagan 19:8

Binie na na ning Dios king babaing kakasal na ing malinis at maputing imalan ban isulud na. (Ing imalan ya ing mayap dang dapat ding pinili na ning Dios.)

Kapahayagan 2:17

Nung atin kang balugbug, makiramdam ka king sasabian na ning Espiritu karing iglesia! Karing magtagumpe, ibie ku ing makasalikut a manna a manibat banua. Ibie kia munaman king balang katau ing maputing batu nung nu ya makasulat ing metung a bayung lagyu a alang makibalu nune mu itang tanggap kaniti.

Kapahayagan 3:18

Inya tuturu ku keka king sali kang purung gintu kanaku ban tune kang maging mabandi. Sali ka namang maputing imalan ban mitakpan ing makarine mung kalubasan at sali kang panulung mata ban manakit ka.

Kapahayagan 6:11

Mirinan yang maputing imalan ing balang metung karela. At sinabi ra karela ing magpaynawa la king ditak pang panaun anggang e miganap ing bilang da ring karelang kapatad at kayabe rang susuyu kang Cristo a paten da namang kalupa ra.

Kapahayagan 7:9

Kaybat na nita, ikit ku la ding tutung dakal a tau; e na la abilang ning ninuman king karakal da! Ibat la deti king balang bansa at lahi, balen at salita. Makatalakad la arap ning tronu at ning Kordero. Makaimalan lang makaba at maputi at atin yang tatalnan a sangang palma ing balang metung.