Lucas 15:21 - Ing Mayap a Balita Biblia

²¹ Ngana ning anak, Tatang, mikasala ku king Dios at keka. E na ku karapatdapat mayaus pang anak mu.

Lucas 15:21 Iomraidhean Croise

Job 33:27

Sabian na karing tau, Mikasala ku. Aliwa ing mayap ya ing gewa ku, oneng pepatawaran na ku ning Dios.

Ding Dalit 143:2

E mu ku yayarap keka ban kekang litisan; tau ke ngan makasalanan king kekang arapan.

Ding Dalit 51:4

Mikasala ku laban keka; bukud mung keka ku mikasala. Depat ku itang e mayap king arapan mu, inya matulid ing atulan mu ku. Makatuliran ing parusan mu ku.

Jeremias 3:13

Tanggapan mu mu ing mikasala ka at king linaban ka king Ginung kekang Dios. Kilalanan mu at ibalita king tutu pin ing mekipangalugud ka karing aliwang dios king lalam ning balang tanaman a malabung at king e ka memintu karing kanakung kautusan. Aku, ing Ginu, ing migsalita.

Ezekiel 16:63

Patawaran ku ing sablang kasalanan a depat mu, oneng e mu la kalinguan deti at king dine mu e me man akuang ibuklat ing asbuk mu. Ing Ginung Dios ya ing migsalita.

Lucas 15:20

Inya tinalakad ya at migbalik kang tatang na. Marayu ya pa ikit na neng tata na at tutu yang melunus; inya memulayi yang sinalubung keya; kinaul ne at penuma.

Lucas 15:22

Oneng sinabi na ning tata karing ipus na, Mamalagua kayu! Dala ye keni ing masanting diling imalan at ipasulud ye keya. Pasuluran yeng singsing at sandalyas.

Roma 2:4

Pota galang payalan mung ulaga ing maragul nang ganaka, pamanupaya, at kapibabatan? E mu wari balu king maganaka ya ing Dios uling pakikuanan na lang apabalik a lub?

1 Corinto 8:12

King anti kaniting paralan mikasala ka kang Cristo king kapamilatan na ning pamikasala mu karing kapatad mung Cristianu at pamaniugat mu king maina rang konsiensia.