Lucas 15:16 - Ing Mayap a Balita Biblia

¹⁶ Buri nang pakabsian ing sarili na agyang karing bungang tanaman a kakanan da ring babi, oneng alang minie keya.

Lucas 15:16 Iomraidhean Croise

Job 30:4

Karela lang paglaputan at kakanan ding tanaman king ilang; maging ing alang lasang tanaman a timbu!

Ding Dalit 142:4

Potang lumawe ku siping ku, ala kung akakit makasadiang sumaup kaku; ala metung mang magdipensa kaku. Ala na metung mang magmalasakit kaku.

Ding Dalit 73:22

meging mangmang ku't alang aintindian; mengari kung animal king kekang arapan.

Isaias 44:20

Anti ya mu waring mamangan abu. Tutu na neng lininlang ning kaisipan nang alang kabaldugan angga na king ala neng kapalyarian. E na buring aminan king sarili na king e ya pala dios ing idolong tatalnan na.

Isaias 55:2

Baket paigastus kayu king e tune makakabsi? Baket sueldu gagastusan yu la, makanyan man danupan kayu pa? Makiramdam kayu kaku, at daptan ing kakung sasabian, at mayama kayung mangan king pekamaniaman a pamangan.

Isaias 57:3

Ikayung makasalanan, lumapit kayu keni ban miyatulan! Ala kayung pangayaliwa karing mangkukulam, karing makipangalugud, at karing babaing magtinda king katawan da.

Ding Tagulele 4:5

Ding tau kanitang misan maniaman la pamangan, ngeni mamamate la king danup karing dalan; detang mibait king pibandian, manintun la ngening pamangan karing basurahan.

Hosea 12:1

Pawang alang ulaga at makasira ing sablang daraptan da ring memalen na ning Israel manibat king abak anggang bengi. Merakal ing kataksilan at ing katampalasanan. Gagawa lang kasunduan king Asiria, at makipagkalakalan lang laru king Ehipto.

Mateo 7:6

E yu babie karing asu ing sagradung bage uling dalusungan da kayu at pangetan deti, at e yu la iyatsa ding perlas yu karing babi, uling damusakan da la mu deti.

Lucas 15:15

Inya mekipagobra ya king metung a taung mabandi king bansang ita. Pepapuntan ne niti king baryu ban manese babi.

Lucas 15:17

Inyang api-isip-isip na ing kabilian na, nganang mekabalak, Karakal na ipus tatang ko at sawa-sawa lang pamangan, kabang aku mamamate kung danup keti!