Lucas 15:15 - Ing Mayap a Balita Biblia

¹⁵ Inya mekipagobra ya king metung a taung mabandi king bansang ita. Pepapuntan ne niti king baryu ban manese babi.

Lucas 15:15 Iomraidhean Croise

Tito 3:3

Uling kanitang misan itamu man meging mangmang tamu, mapaglaban, melili, at me-ipus king miyayaliwang pita at kalayawan na ning katawan. Mibiebie tamu kanita a ating e mayap a nasa. Kesaman da katamu ding tau at kesaman ta la munaman.

Isaias 1:5

Obat e ka tutuknang lalaban king Ginu? Buri mung miragdagan pa ing parusa mo? Israel, mitmu neng sugat ing buntuk mu. Masakit ne ing pusu mu at ing kekang pamisip.

Malakias 2:9

Inya aku naman tairan ku la ding memalen na ning Israel ban insultuan da kayu, uling e yu pamintuan ing kaburian ku at e kayu parehu lawe karing taung tuturu yu.

Jeremias 5:3

Manintun yang katapatan ing Ginu. Oneng e yu pinsinan agyang berug na kayu; lemutak na kayu, oneng e kayu migbayu. Masias kayu buntuk karing kekong kasalanan at e bisang gumulut.

Roma 6:22

Oneng ngeni meging malaya na kayu king kasalanan at ipus na kayu ning Dios. Ing pakinabang yu ya ing pamibiebie a lubus makatalaga keya, at ing bunga na niti ya ing bie alang angga!

Lucas 15:13

Kaybat ning mapilan a aldo, pisali na ning bungsu ing mana na at minta ya king marayung bansa. Darala na la ding sablang ayabli na. Karin na la ginastus ding pera na king e ustung pamibiebie.

Nahum 3:6

Katmuan da kang dinat; ilako da ka dangalan at mitakutan la ding lumawe keka.

Ezekiel 16:63

Patawaran ku ing sablang kasalanan a depat mu, oneng e mu la kalinguan deti at king dine mu e me man akuang ibuklat ing asbuk mu. Ing Ginung Dios ya ing migsalita.

Ezekiel 16:52

Ngeni pagdusan mu ing kekang sariling kamarinayan. Lalu lang mabayat ding kekang kasalanan kesa karing kasalanan da ring kekang kapatad angga king lalto lang balamu ala nang kasalanan, nung itulad la keka. Ngeni mangalare ka at pagdusan mu ing kamarinayan mu, uling pepakit mu lang balamu mayap ding kapatad mu.

Isaias 57:17

Mimua ku pin karela uli na ning karelang pamikasala at kasakiman. Inya king mua ku perusan ku la at gilutan. Oneng masias la buntuk at sindu ra ing sarili dang kaburian.

2 Cronica 28:22

Lalu yang meging e mayap i Aring Ahaz king panaun na ning kaligaligan na.

Exodo 10:3

Inya minta lang pasibayu king ari di Moises at Aaron. Ngara king ari, Ing Ginu, ing Dios ding Hebreo, sasabian na, Angga kaya kapilan ing e ka bisang pailalam king kaburian ku? Paburen mu na lang mako ding taung pinili ku ban makasamba la kanaku.

Mateo 7:6

E yu babie karing asu ing sagradung bage uling dalusungan da kayu at pangetan deti, at e yu la iyatsa ding perlas yu karing babi, uling damusakan da la mu deti.

Lucas 15:14

Inyang agastus na la ngan ding pera na, mika maragul a danup king bansang ita at melipit yang e mu nanu.

Lucas 15:16

Buri nang pakabsian ing sarili na agyang karing bungang tanaman a kakanan da ring babi, oneng alang minie keya.