Lucas 15:13 - Ing Mayap a Balita Biblia

¹³ Kaybat ning mapilan a aldo, pisali na ning bungsu ing mana na at minta ya king marayung bansa. Darala na la ding sablang ayabli na. Karin na la ginastus ding pera na king e ustung pamibiebie.

Lucas 15:13 Iomraidhean Croise

Ding Dalit 73:27

Ding sablang gumulut keka mangamate la; gisanan mu la ding magtaksil keka.

Ding Kasebian 18:9

Kalupa ne ning e mayap a taung matamad ing taung maburing manlasak.

Ding Kasebian 21:17

Ing mahilig king alak at aliwa pang bisyu, e ya mibandi nune maging pakakalulu yang tau.

Ding Kasebian 21:20

Dakal ing pibandian a atitipun da ring taung ating kabiasnan, oneng ding alang beluan agad da lang sisiran ding salaping karelang panakitan.

Ding Kasebian 27:8

Ing taung king pibalebale miwale, kalupa ne ning ayup a meko king sale.

Ding Kasebian 28:7

Biasa ya ing anak a mamintu king kautusan, oneng itang makikiabe karing taung e mayap kamarinayan ya kang tata na.

Ding Kasebian 29:3

Itang malugud king kabiasnan i tata na ya ing paligayan na. Oneng itang ating relasyun karing babaing magtinda karing karelang katawan sisiran nang pibandian na.

Ding Kasebian 6:26

King ditak a salapi asali me ing babaing magtinda king katawan na, oneng king pamakipangalugud mawala ngan ing kekang kayatinan.

Isaias 1:4

Makalunus ka, ikang bansang makasalanan, ikang balen a mibait king lahi da ring mapamirait at e mayap a memalen. Gilutan me ing Ginu, ing Banal a Dios ning Israel, at lubus kang ginulut keya.

Isaias 22:13

Lugal king daptan yu yan, meyli kayu at migsaya. Mekamate kayung tupa at baka ban kanan at mininum kayung alak. Ngayung sinabi, Mayap pa ing mangan tamu at minum uling bukas mate ta na!

Isaias 30:11

Mabating kayu at patugut kayung babie pangabala king lakad mi. E mi ya buring daramdaman ing tungkul king kekayung banal a Dios ning Israel.

Isaias 56:12

Ngara deting lasenggu, Tara, kuma tamung alak at inuman ing anggang agyu tamu! Mas masanting ya ing aldo bukas kesa king ngeni!

Jeremias 2:13

uling ding taung pinili ku dinapat lang aduang pamikasala; ginulut la kaku, ing sibul ning malinis a danum, at ginawa lang pilulanan a e mu adatukanan danum.

Jeremias 2:31

Memalen ning Israel, makiramdam kayu king kanakung sasabian. Meging anti ku waring disyerto kekayu, anting maralumdum at mapanganib a lugal? Baket sasabian yu ing daptan yu ing buri yung daptan at king e na kayu magbalik kanaku?

Jeremias 2:5

Ngana ning Ginu: Nanung kamalian ing ikit da kaku ding kekong makatua at dinayu la kaku? Nanu ing sangkan ba't gilutan da ku? Simban da la ring alang kabaldugan a idolo, at ila mismu meging ala lang kabaldugan.

Mikeas 6:3

Nganang sasabi ning Ginu, Memalen ku, nanu ing depat ku kekayu? Meging pabayat ku wari kekayu? Pakibatan yu ku.

Lucas 15:12

Ngana ning bungsu, Tatang, ibie mu na kanaku ing mana ku. Pinitna na ning tata ing bandi na karing adua nang anak.

Lucas 15:14

Inyang agastus na la ngan ding pera na, mika maragul a danup king bansang ita at melipit yang e mu nanu.

Lucas 15:30

Ngeni mong dinatang ya ing anak yung yan a minyira king kekayung pibandian karing babaing magtinda king katawan da pepapate ye pa ing biserung bakang pataban!

Lucas 16:1

Nganang Jesus karing alagad na, Kanitang misan, ating mabandi a ating metung a katiwala. Simbung da king ing pibandian na panyiran na mu ning katiwala.

Lucas 16:19

Ating metung a taung mabandi a mimalan mal at ating labis-labis a pamangan aldo-aldo.

Efeso 2:13

Oneng ngeni, uli na ning pangayabe yu kang Cristo Jesus, ikayung makarayu kanitang milabas a panaun, milapit kayu king Dios uli na ning kamatayan nang Cristo.

Efeso 2:17

Inya dinatang ya i Cristo at penaral na karing sablang tau ing Mayap a Balita ning kapayapan, kekayung paganu a marayu king Dios at karing Judio a malapit keya.

2 Pedro 2:13

Mipasakitan la naman uli na ning kasakitan a depat da karing aliwa. E la patugut magpasasa agyang king aldo masala ba ra mung apanusigan ing tula'ng buri ning karelang katawan. Tutung makarine at makasirang puri ing mayakit lang kasulu yu king pamangan, angga na king gagawan dang pagkonsuelo ing linlangan da kayu.