Lucas 15:12 - Ing Mayap a Balita Biblia

¹² Ngana ning bungsu, Tatang, ibie mu na kanaku ing mana ku. Pinitna na ning tata ing bandi na karing adua nang anak.

Lucas 15:12 Iomraidhean Croise

Ding Dalit 17:14

Ginu, iligtas mu ku karing taung anti kareti; gamat mung mayupaya gamitan mu ne kareting taung labis-labis king pagkabie; parusan mu la ketang parusang sidia mu karela; ding anak at apu ra idame mu la.

Marcos 12:44

Uling minie la ding aliwa ketang labis-labis a atyu karela, oneng iting pakakalulung mebalu, agyang pakakalulu ya, binie na ngan ing sabla nang pangabiayan.

Lucas 15:11

Ngana pang Jesus, Ating metung a taung ating aduang anak a lalaki.

Lucas 15:13

Kaybat ning mapilan a aldo, pisali na ning bungsu ing mana na at minta ya king marayung bansa. Darala na la ding sablang ayabli na. Karin na la ginastus ding pera na king e ustung pamibiebie.

Lucas 15:30

Ngeni mong dinatang ya ing anak yung yan a minyira king kekayung pibandian karing babaing magtinda king katawan da pepapate ye pa ing biserung bakang pataban!