Lucas 14:11 - Ing Mayap a Balita Biblia

¹¹ Uling ing ninumang magmatas mibaba ya, at ing ninumang magpakumbaba mitas ya.

Lucas 14:11 Iomraidhean Croise

2 Samuel 22:28

Liligtas mu la ding taung mapagpakumbaba, oneng ding palalu keka lang bababa.

Ester 6:10

Kanita ngana ning ari kang Haman, Malagua ka, kuanan mu itang imalan ku at itang kabayu. Ing sablang sinabi mu ya ing daptan mu kang Mordecai, ing Judiong makalukluk king pasbul palub king palasyu.

Job 22:29

Daragsa na la ning Dios ding mapagmatas, oneng sasagipan na la ding mapagpakumbaba.

Ding Dalit 138:6

Atyu ka king Kakataskatasan, ding mababa lub keka no mang ingatan, at keka e la makasalikut ding palalu.

Ding Dalit 18:27

Liligtas mu lang taung mapagpakumbaba, oneng ding palalu keka lang ibababa.

Ding Kasebian 15:33

Ing takut king Ginu metung neng kabiasnan; muna ya pa ing kapakumbaban bayu ka tanggap dangalan.

Ding Kasebian 18:12

Mapagmatas ya ing taung e pa dinalan kasakitan, oneng bayu datang ing dangal ing pamagpakumbaba pa.

Ding Kasebian 25:27

E mayap ing lalabis a pulut-panilan, makanyan munaman ing magimbut king labis-labis a kapurian.

Ding Kasebian 29:23

Kabiguan ing maging kararasan ning kapalaluan, oneng ing kapakumbaban pagdala na kang dangalan.

Isaias 2:11

Datang ing aldo nung kapilan miyangganan ing ketasan na ning tau at malasak ing kapalaluan na. Kanita ing Ginu ya na mung bukud mirangal.

Isaias 2:17

Miyangganan ing ketasan na ning tau at ing sablang kapalaluan na. Bukud mung ing Ginu ya ing mirangal king aldong ita

Isaias 57:15

Aku ing matas at banal a Dios a mabie kapilan man. Manuknangan ku king matas at banal a lugal, oneng manuknangan ku munaman libutad da ring taung mapagpakumbaba at sisisi ban abalik ku ing kapanaligan at ing kapanayan da.

Mateo 23:12

Mibaba ya ing ninumang mitatas king sarili na, at mitas ya ing ninumang mibababa king sarili na.

Lucas 1:51

Inatiat ne ing mayupaya nang takde, at simbulat na la ding mangatas a lub ketang kapalaluan ning karelang nasa.

Lucas 1:52

Bigsak na la ding ari ibat karing karelang tronu, at ding atyu king kababan ilang tinas na.

Lucas 14:12

Sinabi na naman Jesus king mengumbira keya, Neng magtau ka, e mu la kukumbiran ding kekang kakaluguran o ding kekang kapatad o ding kekang kamaganak o ding masalaping siping mung bale, uling kumbiran da ka naman, at kanita miyablasan ka king depat mu karela.

Lucas 18:14

Sasabian ku kekayu, nganang Jesus, Ing lalaking iti ya ing minuling mekilalang banal arap ning Dios at aliwa itang metung. Uling ing ninumang mitatas king sarili na mibaba ya, at ing ninumang magpakumbaba mitas ya.

Santiago 1:9

Sukat nang ikatula ning kapatad a pakakalulu nung tatas ne kabilian ning Dios,

Santiago 4:10

Magpakumbaba kayu arapan na ning Ginu, at ibangun na kayu.

Santiago 4:6

Oneng ing grasyang babie na ning Dios kekatamu lalu namang masikan. Uling sasabian na ning Kasulatan, Lalabanan na la ning Dios ding palalu, oneng dirinan na lang grasya ding mapagpakumbaba.

1 Pedro 5:5

At ikayung kayanakan a lalaki, pailalam kayu upaya karing makatua. Ikayu ngan sabla isulud yu ing kababan lub ba kayung misusuyuanan, uling sasabian na ning Kasulatan, Kasaman na la ning Dios ding palalu, oneng papakit yang ganaka karing mababa lub.

1 Pedro 5:6

Inya iduku yu ing sarili yu king gamat nang mayupaya ning Dios ban king panaun a karampatan ipuk na kayung matas a matas.

1 Samuel 15:17

Kanita nganang Samuel, Agyamang malati mu ing paglalawe mu king kekang sarili, makanyan man gewa na kang manimuna da ring tribu na ning Israel. Ing Ginu linian na kang ari na ning Israel