Lucas 14:10 - Ing Mayap a Balita Biblia

¹⁰ Ing masanting mung daptan neng mekumbira ka ya ing lukluk ka king pekamarayung luklukan. Lapitan na ka kanita ning mengumbira at sabian na keka, Kakaluguran, keni ka king kabisera. Mirangal ka kanita king arapan da ring aliwang bisita.

Lucas 14:10 Iomraidhean Croise

Ding Kasebian 15:33

Ing takut king Ginu metung neng kabiasnan; muna ya pa ing kapakumbaban bayu ka tanggap dangalan.

Isaias 60:14

Datang la ding anak da ring keka menggipit, at duku ban kagalangan keka ibie ra. Samba la arapan mu detang kanitang misan keka meninsultu. Ing Siudad ning Ginu ing keka ra ipamalagyu, Zion, ing Siudad ning Dios a Banal ning Israel.

Kapahayagan 3:9

Pakiramdaman mu iti: palapitan ku la at pasikloran arap mu ding kampun nang Satanas, ding malaram at magpanggap Judio, ban abalu ra king kaluguran da ka.

1 Samuel 15:17

Kanita nganang Samuel, Agyamang malati mu ing paglalawe mu king kekang sarili, makanyan man gewa na kang manimuna da ring tribu na ning Israel. Ing Ginu linian na kang ari na ning Israel