Lucas 13:7 - Ing Mayap a Balita Biblia

⁷ Inya sinabi na king mamahala king ubasan, Atlu na kung banuang pupunta keti at manintun bunga king tanaman a iti, oneng ala ku pang ikit. Kuturan mu ne! Makaskup nia wala king ubasan!

Lucas 13:7 Iomraidhean Croise

Exodo 32:10

Inya paburen mu ku ngeni. Mua ku karela at paten ku la. Pero ika at ding lahi mu gawan da kayung metung a marangal a bansa.

Daniel 4:14

Nganang sinabi king masikan a bosis, Kuturan me ing tanaman at tabasan mu la ding sanga na; lugusan me bulung at ikalat mu la ding bunga na. Itabi mu la ding animal a makasalilung lalam na at ding ayup karing sanga na.

Levitico 19:23

Potang ikua yu nang miras king lugal a babie ku kekayu at mananaman nang miyayaliwang tanaman a mamunga, ituring yu lang e karapatdapat kanan ding bunga ra kilub ding atlung banua.

Levitico 25:21

Aku, ing Ginu, bendisyunan ke ing gabun king kanam a banua ban mamungang sapat kilub ding atlung banua.

Mateo 7:19

Kuturan ya ing balang tanaman a e mamungang mayap at iyugse king api.

Lucas 13:8

Oneng pekibat na ning mamahala, E ta ya pa mu kukuturan king banuang iti. Gambulan ke at dinan pataba.

Lucas 3:9

Makasadia ne ing palakul ban kuturan la angga king yamut ding tanaman. Makutud ya ing balang tanaman a e mamungang mayap at miyugse ya king api.

Juan 15:2

Pupututan ne ing balang sanga kung e mamunga at lilinisan ne ing balang sangang mamunga ban lalu ya pang mamunga.

Juan 15:6

Mangari ya ing e manatili kanaku king metung a sangang miyugse at langi ya. Titipunan la ding anti kareting sanga at iyugse king api at maduluk la.