Lucas 13:6 - Ing Mayap a Balita Biblia

⁶ Kanita selita neng Jesus iting talimhaga. Ngana, Ating metung a taung ating tanaman a higera king ubasan na. Linawe na nung atin yang bunga, oneng ala yang ikit.

Lucas 13:6 Iomraidhean Croise

Jeremias 2:21

Tenam da kang anting piling ubas, anti ing pekamayap a bini. Oneng lawan mu ing milyari keka! Mengari ka king mebuluk at alang ulagang ubas.

Jeremias 8:13

Buri ku lang tipunan ding taung kanakung pinili antimo nung makananu nang titipunan ning metung a tau ing pupul na, oneng mengari lang tanaman a ubas a alang bunga; mengari lang tanaman a higera a e mamunga; malangi pati bulung da. Inya ibie ku karing dayuan ing gabun da.

Lucas 13:5

Ali la! Oneng sasabian ku kekayu: nung e kayu sumisi at painggulut karing kekayung kasalanan, mate kayu namang kalupa ra!

Lucas 3:9

Makasadia ne ing palakul ban kuturan la angga king yamut ding tanaman. Makutud ya ing balang tanaman a e mamungang mayap at miyugse ya king api.

Juan 15:16

E yu ku pinili, nune aku ing memili at tinuldu kekayu ban lumual kayu at mamunga karing bungang manatili. King uli na niti, nanumang aduan yu king Ibpa king lagyu ku, ibie na kekayu.

Galacia 5:22

Oneng ing bunga na ning Espiritu ya ing lugud, tula, kapayapan, kapibabatan, ganaka, kayapan, katapatan,

Filipos 4:17

Aliwa ing regalu a peparala yu ing maulaga para kanaku; ing maulaga ya itang pakinabang a mibubuntun kekayu.

Ukum 9:11

Ngana ning tanaman a higera, Lakuan ku wari ing yumu ku at ding mayap kung bunga ban manimuna ku kekayo?