Lucas 13:34 - Ing Mayap a Balita Biblia

³⁴ Jerusalem, Jerusalem! Pamaten mu la deng propeta at pamasibasan ding tinubud na keka ning Dios! Mekatapilan ing buri ku lang tipunan ding kekang anak, antimo nung makananu na lang titipunan ning gaindung manuk ding sisi na king lalam ding pakpak na, oneng e ka bisa!

Lucas 13:34 Iomraidhean Croise

Nehemias 9:26

Oneng linaban la keka; e la memintu karing utus mu, linele re ing Kautusan mu. Pete da la ring propeta a babie babala karela ban mibalik lub keka. Dinapat lang maragul a kalapastanganan keka.

Nehemias 9:30

Pibata mu la kilub ding dakal a banua, inaus mu la pansin kapamilatan ding pepawaga mu karing propeta, oneng migmaklak-maklakan la. Inya karing gamat ding dayuan keka lang pepailalam.

Ding Dalit 149:2

Tumula ka, Israel, uli ning kekang Talapaglalang; uli ning Ari mu, magsaya kayu, memalen ning Zion!

Ding Dalit 17:8

Ingatan mu ku antimong pekamal keka, lalam mung pakpak ingat mu makanyan sana;

Ding Dalit 36:7

O Dios, tutung mal ing lugud mu; lalam ding pakpak mu lalapit la ding tau.

Ding Dalit 57:1

Malunus ka kaku, O Dios, malunus ka sa, uling ika ing kakung lalapitan; king lalam ding kekang bagyus karin ku salilung, anggang e la mako ding bagyung masikan.

Ding Dalit 81:13

Sana ing balen ku makiramdam ya kaku; sana ing Israel mamintu ya kaku!

Ding Dalit 91:4

Karing pakpak na lukuban na ka; ingat na keka ibie na; ing katapatan na ya ing mingat keka.

Isaias 30:15

Ing Ginung Dios, ing Banal ning Israel, sasabian na karing tau, Magbalik kayu at manalig kayung pasibayu kanaku. Kanita maging masikan kayu at maging panatag. Oneng e yu buring daptan iti!

Isaias 50:2

Obat ing balen ku e ya kinimut inyang pintalan ke ban iligtas? Obat e ya mekibat inyang inaus ke? Milalu ku wari kaina ban e ra kayu aligtas? Apakati ke ing dagat king metung mung amanu, at agawa ku lang metung a disyerto ding ilug, ban king keyalan danum mate lang karelang asan.

Jeremias 2:30

Perusan da kayu, oneng iti e mekakayap kekayu; e yu buri ing sasabianan da kayu. Anti kayu king mabangis a leon, pete yu la ding kekong propeta.

Jeremias 26:23

Binalik deng pasibayu kang Aring Jeoiakim; pepapate ne at pepayugse ing bangke nang Urias king kutkutan na ning balen.)

Jeremias 35:14

Memintu la ding lahi nang Jonadab king utus a e la miminum alak at angga king aldong iti e la bitasang miminum. Menatili kung magsalita kekayu, makanyan man e yu ku pemintuan.

Jeremias 35:17

Inya naman, aku, ing Ginung Mayupaya, ing Dios ning Israel, iparala ku ing sablang kasiran kekayung memalen na ning Juda at Jerusalem a kakung pengaku. Daptan ku iti uling e kayu mekiramdam inyang migsalita ku kekayu at uling e kayu mekibat inyang inaus da kayu.

Jeremias 6:16

Nganang sinabi ning Ginu karing taung pinili na, Talakad kayu karing salapungan da ring dalan at maglalawe kayu. Pangutang yu la ding matuang dalan at nung nu ya karin ing masanting diling dalan. Karin kayu dumalan at mie kayu king kapayapan. Oneng sinabi ra, E ke bisa!

Ding Tagulele 1:16

Iti yang sangkan nung inya tutulu ing lua ku. Ala metung mang makirame kaku alang makaibie sikanan lub kaku. Simbut na ku ning kalaban; ding kakung memalen ala nang mitagan.

Ding Tagulele 4:13

Oneng mepalyari iti, uling ding propeta at pari parehu lang mikasala, at ing bunga na niti mete la ding taung inosenti.

Hosea 11:2

Nung kapilan ke tinuring kakung anak, kanita ya lalung ginulut kaku. Ding taung kakung pinili babie lang ain-sakripisyu kang Baal; dinuluk lang insenso para karing idolo.

Hosea 11:7

Pilit lang gugulut kanaku. Saingsing la uli na ning paud a atyu karing batal da, oneng metung man alang sumaup milako kaniti.

Joel 2:23

Tumula kayu, memalen ning Zion, magsaya kayu uli ning depat na para kekayu ning Ginung kekong Dios. Kekayu binie na ing sapat a uran king kekong pupul; bildug na ing uran king panaun ning dimla, at uran-kaleldo antimo ing sadia.

Zacarias 1:4

E kayu sana mangari karing kekayung makatua. Kanitang panaun a milabas, mipayabut karela ing kanakung mensahi king kapamilatan da ring propeta. Sinabi da reti karela king lakuan da na sa ing e mayap dang pamibiebie at gumulut na la king e ustung dapat. Oneng e la mekiramdam ni memintu kanaku.

Mateo 22:3

Tinubud na la ding ipus na ban maniaus karing kumbiradu na king kasal, oneng e la mebisang datang.

Mateo 22:6

Ding aliwa naman dekap da la ring ipus a tinubud na; penasakit da la at melaus da lang pete.

Lucas 15:28

Mimua ya ing pangane at e bisang lungub. Inya linual ya ing tata at inaru ne.

Lucas 19:44

Lasakan da kang lubus at pati na ding anak mung atyu kilub ding kekang pader. Ala lang itagan metung mang batu a makatumpak king kalupa nang batu uling e mu kilala ing paniatang na ning Dios keka ba na kang iligtas!

Lucas 23:28

Belikdan na lang Jesus at sinabi na karela, Anak nang babai ning Jerusalem, e yu ku tatangisan! Ing tangisan yu ya ing kekayung sarili at ding kekayung anak.

Ding Dapat 7:52

Atin waring metung mu mang propeta a e ra mo sa linupig ding kekayung makatua? Pete da la ring tinubud na ning Dios a memahayag kaniting panaun a malambat nang milabas tungkul king paniatang na ning banal nang Talasuyu. At ngeni ikayu ing menganiaya at mekamate keya.

Ding Dapat 7:59

Alang tuknang ing pamamasibas dang batu kang Esteban kabang nganang mamaus king Ginu, Ginung Jesus, tanggapan me ing kanakung kaladua!

Ding Dapat 8:1

At tenguanan nang Saulo ing pangamate nang Esteban. King mismung aldong ita megumpisa yang dinalan mabagsik a pangalupig ing iglesia karin Jerusalem. Ding sablang alagad, subali karing apostol, mikalat la karing kabilugan a probinsia na ning Judea at Samaria.

Deuteronomio 32:29

Nung biasa la mu sana agad da na sanang aintindian ing karelang kararasan.

Deuteronomio 5:29

Sana manatili ing takut da't kagalangan kanaku at parati da lang pamintuan ding sablang utus ku ban mipakayap la at ding anak da king kapilan pa man.

Kapahayagan 11:8

at mangapase la ding bangke ra king dalan na ning maragul a siudad a makasalikut king lagyung Sodoma o Ehipto. Keti ria naman pinaku king krus ing karelang Ginu.

Ruth 2:12

Bendisyunan na ka sa ning Ginu, ing Dios ning Israel, uling karing lalam nang bagyus karin ka migsantung!