Lucas 13:25 - Ing Mayap a Balita Biblia

²⁵ Kabud sera ne ning manibala king pibalebale, mibata kayung makatalakad king lual at katuk na kayung katuk. Sabian yu, Ginu, paluban yu kami! Ipakibat na kekayu, E ra kayu balu penibatan!

Lucas 13:25 Iomraidhean Croise

Genesis 7:16

Ding sinake lalaki la't babai ning balang bage mabie antimo ing inutus na ning Dios kang Noe. Kaybat na nita, sera na ne ning Ginu ing pasbul ning barku.

Ding Dalit 32:6

Inya ing balang metung karing keka tapat maus ya king oras ning kaligaligan na. Agyang datang man ing agus a masikan ding keka tapat e la mirasnan.

Isaias 55:6

Ngening malapit ya panintunan me ing Ginu at ausan me.

Mateo 25:41

Kaybat sabian na karetang atyu king banda nang kayli, Dumayu kayu kanaku, ikayung misumpa! Munta kayu king alang anggang api a misadia para king diablo at karing anghel a kampun na!

Lucas 13:27

At sabian nang pasibayu kekayu, E ku balu nung nu kayu tau! Dumayu kayu kanaku, ikayung sablang marawak a dapat!

Lucas 3:8

Daptan yu la detang bage a pakilala king sinisi na kayu at ginulut karing kekayung kasalanan. At e yu pangangas sasabian king i Abraham ya ing kekayung makatua. Sasabian ku kekayu king agyang karing batung deni ing Dios makapalto yang lahi nang Abraham!

Lucas 6:46

Baket ausan yu kung Ginu, Ginu, at e yu naman daraptan ing sasabian ku?

2 Corinto 6:2

Uling ing Dios sasabian na, Pekiramdaman da ka king oras a karapatdapat kaku, sinaupan da ka king aldo ning kaligtasan. Makiramdam kayu! Ngeni na ing oras a karapatdapat. Ngeni na ing aldo ning kaligtasan!

Hebreo 12:17

Balu yu king kaybat, inawad na kang tata na king ibie na ing bendisyun na bilang tata. Oneng mipagkait keya iti uling e na na abalikan pa ing depat na agyang numanu ya pang tumangis.