Lucas 13:19 - Ing Mayap a Balita Biblia

¹⁹ Kalupa ne ning metung a butul mustasa a tenam na ning metung a tau king mulahan na. Dinagul ya iti angga na inyang meging anti yang tanaman a matas. At memaniale la ding ayup karing sanga na.

Lucas 13:19 Iomraidhean Croise

Ing Malagung Diling Kanta 4:12

O sinta ko at kakaburi ko, mengari kang makasalikut at makabakud a hardin; mengari ka naman king makasalikut a sibul.

Ing Malagung Diling Kanta 4:16

Tumiup ka, O angin ning norti! Datang na ka, O angin ning mauli! Tiupan yang kakung hardin ban banglu mikalat. Paburen yang datang king hardin na ing kakung pakamalan at mangan karing prutas a pekamaniaman.

Ing Malagung Diling Kanta 6:2

Minta ya ing kakung pakamalan king mulahan na nung nu la tutubu ding tanaman a balsamu. King mulahan na karin ne papastulan ing kawan na, at sampagang liryu agtalan na la.

Ing Malagung Diling Kanta 8:13

O sinta kung atyu king kakung mulahan, magsalita ka sana ban ding kakung kakaluguran siwala mu karelang damdaman.

Isaias 53:1

Ngara ding tau, Ninu ing malyaring maniwala kekami king ipamalita mi ngeni? Ninu ing malyaring makaintindi king iti dapat ning Ginu?

Isaias 53:10

Ngana ning Ginu, Kaburian ku ing dumalan yang kasakitan; metung yang ain-sakripisyu ing kamatayan na ban mipatawaran ing kasalanan. Inya akit na lang lahi na; kumaba ya bie at king kapamilatan na ing parasan ku magtagumpe.

Isaias 58:11

At manatili kung matnube kekayu at katmuan da kayu king sablang mayap a bage. Pasiknangan da kayu at dinan mayap a pamikakatawan. Mangari kayu karing tanaman king mulahan a parating madidilig at anting batis a e kakati.

Isaias 61:11

Nung makananu lang sisibut at tutubu ding bini makanyan na lang iligtas ning Ginung Dios ding taung pinili na, at ding sablang bansa purian de ing Ginu.

Isaias 9:7

Ing makamal nang upaya manatiling daragul; manatili ing kapayapan king keyang kayarian. Manibala ya bilang kayalili nang Aring David, at makabasi ing upaya na king mayap at matulid manibat ngeni at angga na king kapilan pa man. Iti ngan daptan ning Ginung Mayupaya.

Jeremias 31:12

Datang la at magkanta king tula king Bunduk ning Zion, at tumula la karing kakung babie: binutil, alak, at larung olibo, tupa ampon baka. Mangari la king mulahan a parating mididiligan, at e na la takman kalungkutan kapilan man.

Ezekiel 31:6

Miyayaliwa lang ayup ding ginawang sale karing sanga na; king lilung na ding malyap a animal karin da la babait ding anak da. Ding bansa ning yatu magsalilung la king anino na.

Daniel 4:12

Malagu la ding bulung na at marakal ya bunga; sapat la ban pakanan ya ing balang tau king mabilug a yatu. Sasalilung la lalam na ding animal, maniale la ding ayup karing sanga na, at mamangan ya ing balang mabibie karing bunga na.

Daniel 4:21

Malagu la ding bulung na at atin yang sapat a bunga ban pakanan ne ing mabilug a yatu. Sasalilung la lalam na ding animal at maniale la ding ayup karing sanga na.

Zacarias 2:11

King aldong ita dakal lang bansa ding lumapit king Ginu at maging memalen na la munaman. Manuknangan ya libutad yu at abalu yu king tinubud na ku kekayu.

Mateo 17:20

Mekibat ya i Jesus, Inya e ye apalualan uling ditak kayu kasalpantayanan. Sasabian ku kekayu, agyang kasing dagul nia mu ning butul mustasa ing kasalpantayanan yu, malyari yung sabian king bunduk a ini, Malis ka keta! at malis ya. Alang bage a e yu arapat! [

Marcos 4:30

Kaisanu ya pa malyaring pakilupa ing Kayarian ning Dios? ngana pang kinutang Jesus. Nanung talimhaga ing gamitan tamu ba ta yang ailarawan?

Lucas 17:6

Pekibat na ning Ginu, Nung atin kayung kasalpantayanan a kasing dagul na mu man ning butul mustasa, asabi yu kaniting tanaman a sikomoro, Mabagut ka at iyalis mu ing kekang sarili king dagat! at mamintu ya kekayu.

Ding Dapat 2:41

Meniwala la ding keraklan karela king aral na, at tinggap da ing sinabi na at pepabinyag la. Kanita mu ring aldong ita angga lang atlung libu katau ding miragdag king kabilangan da.

Ding Dapat 21:20

Kaybat deng pekiramdaman, pepasalamat la ngan king Dios at ngara kang Pablo, Akakit mu pin ngeni, kapatad, libu-libu la ding Judio a talasalpantaya. Tutu la ngang tapat king Kautusan.

Ding Dapat 4:4

Oneng meniwala la ding dakal a taung mekaramdam king penaral da, at mamabut lang anggang limang libu ding lalaking miragdag.

Roma 15:19

king kapamilatan da ring mayupayang waga at milagru at king upaya na ning Banal a Espiritu. Inya lubus keng penaral ing Mayap a Balita tungkul kang Cristo, manibat karin Jerusalem at karing sablang lugal a libutan ku angga na karin Ilirico.

Kapahayagan 11:15

Inyang tiniupan ne ning kapitung anghel ing trumpeta na, ating masikan a siwalang menibat banua. Ngana, Ing pamag-ari king yatu milipat na king kekatamung Ginu at king Cristo na. Mag-ari yang alang kapupusan!