Lucas 12:8 - Ing Mayap a Balita Biblia

⁸ Sasabian ku kekayu: ninuman ing sumabi king arapan da ring tau king ya kanaku ya, makanyan munaman ing daptan na para keya ning Anak ning Tau arapan ding anghel ning Dios.

Lucas 12:8 Iomraidhean Croise

Ding Dalit 119:46

Karing ari kaku lang sabian ding kekang kautusan, at iti e ku pikarine dit' man.

Mateo 8:20

Nganang mekibat Jesus, Atin lang lunggang pisuluran ding asung-gubat at atin lang sale ding ayup, oneng ing Anak ning Tau ala ya mang apipagpaynawan.

Lucas 15:10

Sasabian ku kekayu king makanyan munamang mika kasayahan karing anghel na ning Dios uli na ning makasalanan a sisisi at painggulut king kasalanan na.

2 Timoteo 2:12

Nung manatili tamung mibabata, makipag-ari tamu munamang kayabe na. Nung tanggian ta ya, tanggian na katamu munaman.

1 Juan 2:23

Ing tatanggi king Anak tatanggian nia naman ing Ibpa. Ing ninumang tatanggap king Anak, tatanggapan nia naman ing Ibpa.

Kapahayagan 2:10

E ka mitatakutan karing kaligaligan a malapit nang mapalyari keka. Tandanan mu iti: ipasukul na la ning diablo ding mapilan kekayu. Kapagsubukan iti kekayu at magkasakit kayu kilub ding apulung aldo. Manatili kang tapat angga king kamatayan at ibie ke keka ing korona na ning bie.

Kapahayagan 2:13

Balu ku king manuknangan ka king lugal nung nu ya makabili ing tronu nang Satanas. Makanyan man, manatili kang tapat kanaku. E mu tinggian ing kasalpantayanan mu kanaku inyang i Antipas a tapat kung talasuyu pete re ken king balen a panuknanganan nang Satanas.

1 Samuel 2:30

Inya pakiramdaman mu ngeni ing pasabi na keka ning Ginu, ing Dios ning Israel: Kanitang milabas sinabi ku king ing pamilya mu at ing pamilya nang tata mu ilang sumuyu kanaku angga king alang angga, oneng ngeni e na makanyan. Ding parangalan ku ila mu detang parangal kanaku, at e ku la parangalan detang misasakuil kanaku.