Lucas 12:7 - Ing Mayap a Balita Biblia

⁷ Makabilang agyang ing buak yu. Inya, e kayu tatakut; maygit kayu ulaga kesa karing dakal a denas!

Lucas 12:7 Iomraidhean Croise

2 Samuel 14:11

Ngana ning babai, Makamal a Ari, iyabe yu ke sana king panalangin yu king Ginung kekong Dios ban e ne paten ning metung karing kamaganak kung magbenggansa ing anak kung makatagan. Ngana ning ari, Pangaku ku king lagyu na ning Ginu king e ya numanu balang ing anak mu.

Job 35:11

E re lalapitan ing Dios a babie kabiasnan kekatamu, kabiasnan a maygit kesa karing animal o ayup.

Ding Dalit 8:6

Penibala mu king tau ing sablang dapat mu; lalam nang upaya pepasakup mu ing sabla-sabla;

Mateo 12:12

Ngeni ing metung a tau maygit yang e palak a ulaga kesa king metung a tupa. Inya binang masala king paintulut na ning Kautusan ing gawang mayap king Aldo ning Sabbath.

Mateo 6:26

Lawan yu la ding ayup: e la mananaman ni e la pupupul ni e la titipun pamangan, makanyan man pakanan na la ning Ibpa yung atyu banua. E kayu wari lalung maulaga kesa kareti?

Lucas 21:18

Oneng metung man king buak yu alang mabating.

Ding Dapat 27:34

Inya mangan na kayu! Kailangan yu ing mangan ba kayung miligtas. E ya numanu balang ing ninuman kekayu.

1 Samuel 14:45

Oneng ngara ding tau, Sukat ne man waring mate i Jonatan a migtagumpe para king Israel. E malyari iti! King daramdaman na ning Ginu, alang manabu king gabun metung mang buak king buntuk na uling migtagumpe tamu king aldong iti king saup na ning Dios. Makanyan deng linigtas ding tau i Jonatan king kamatayan.