Lucas 12:5 - Ing Mayap a Balita Biblia

⁵ Sabian ku kekayu nung ninu ing sukat yung pitakutan: tumakut kayu king Dios a kaybat nang mekamate atin ya pang upayang mugse king impierno. Wa, sasabian ku, tumakut kayu king Dios!

Lucas 12:5 Iomraidhean Croise

Ding Dalit 9:17

King Sheol la miras ding taung e mayap, pati na ding bansang king Dios e bisang tanggap.

Ding Kasebian 14:26

Ing takut king Ginu kapanatagan lub ing babie na at pati na karing katubale na.

Jeremias 10:7

Ninu ing e mitakutan keka, ika a ari da ring bansa? Sukat lang tumakut keka. Ala kang kalupa karing sablang lalaki rang biasa ding bansa o kenu man karing karelang ari.

Jeremias 5:22

Aku ing Ginu, obat ala kayung galang man kanaku? Baket e kayu galgal king arapan ku? Binili ku ing balas anting peka angganan ning dagat, metung a manatiling angganan a e na alipatan. Malyaring malimbuyu ya ing dagat, oneng e ne malyaring lagpus king pampang; malyaring dabungbung masikan ing alun, makanyan man e ne malyaring alipatan.

Mateo 10:28

E yu la pitatakutan ding makapate king katawan, oneng ali ra ne man ing kaladua; nune ing sukat yung pitakutan ya ing Dios a makapamarusa king kaladua at katawan king impierno.

Mateo 25:41

Kaybat sabian na karetang atyu king banda nang kayli, Dumayu kayu kanaku, ikayung misumpa! Munta kayu king alang anggang api a misadia para king diablo at karing anghel a kampun na!

Mateo 25:46

Inya munta la king alang anggang kaparusan, oneng ding taung makatuliran munta la king bie alang angga.

Mateo 5:22

Oneng ngeni sasabian ku kekayu: ninuman ing mimua king kapatad na mika pakibatan ya king arapan ning husgadu; ing ninuman maninsultu king kapatad na mika pakibatan ya king arapan ning Sanhedrin, at ninuman ing sumabi king kapatad na, Ala kang isip! miyugse ya king api ning impierno.

Marcos 13:23

Ngeni pa sasabian ku na la deting sablang bage a mapalyari. Inya mingat kayu!

1 Tesalonica 4:6

Kanita e na dakurakan o samantalanan ning ninuman ing matulid ning kalupa nang tau. Antimo ing sinabi mi na kekayu king milabas a panaun at maigpit ming penabilin: parusan ne ning Ginu ing dapat kareting dewakan.

Hebreo 10:31

Tutung makapangilabut ing maging kayatulan na ning Dios a mabie karing taung makanyan a dapat!

2 Pedro 2:4

E na la penupaya ning Dios ding anghel a mikasala; kilung na la king impierno at panenayan da karin king karalumduman ing Aldo ning Pamanukum.

Kapahayagan 14:7

Nganang sinabing masikan, Pitakutan ye ing Dios at purian ye, uling dinatang na ing oras na ning pamanatul na. Samban ye ing Dios a linalang king banua, king yatu, king dagat, at karing sibul ning danum!

Kapahayagan 15:4

Ninu ing e tumakut keka, O Ginu? Ninu ing e munie kapurian king kekang lagyu? Uling ika mung bukud ing banal! Lumapit la at samba keka ding sablang bansa, uling ikit da la ring matulid mung dapat.

Kapahayagan 20:14

Miyugse ya ing Kamatayan at ing Hades king dagat-dagatan na ning api. (Iting dagat-dagatan na ning api ya ing kaduang kamatayan.)