Lucas 12:43 - Ing Mayap a Balita Biblia

⁴³ Mapalad ya itang ipus a ita, nung dasnan neng magobra ning panginuan na king pamagbalik na!

Lucas 12:43 Iomraidhean Croise

Ding Dalit 101:6

Ding taung tapat king Dios ilang kakung pakiabayan; king kakung palasyu paintulutan ku lang manuknangan; detang talagang apagkatiwalan ila mung mipaintulutan aku ing karelang suyuan.

Ding Kasebian 27:18

Sesen me ing tanaman a mangga at mika pamangan ka karing bunga na. Ing talasuyung sesese king keyang panginuan, tanggap yang karangalan.

Isaias 56:2

Bendisyunan ku la detang parating mangiling at gagalang king Aldo ning Sabbath. Bendisyunan ku la ding e darapat nanumang e mayap.

Mateo 24:46

Mapalad ya ing ipus a ita nung king pamagbalik na bale ning panginuan na dasnan neng tutupad king obrang tituk na keting ipus!

Lucas 12:37

Mapalad la ding ipus a dasnan nang makagising at manaya king karelang panginuan! Sasabian ku kekayu, magsadia yang pamangan ing panginuan, paluklukan na la king lamesa at silbian na la.

Lucas 12:42

Pekibat ning Ginu, Ninu wari ing ipus a tapat at matalino? Aliwa wari itang panibalan na ning panginuan na king pibalebale na ban munie pamangan karing aliwa pang ipus king oras ning pamangailangan da?

Lucas 12:44

Wa, sasabian ku kekayu, panibalan ne ning panginuan na king sabla nang pibandian.

2 Pedro 3:14

Inya, pakamalan kung kakaluguran, kabang manenaya kayu king Aldo ita, daptan yu ing sablang agyu yu ba kayung maging payapa pamibiebie, malinis at alang kapintasan arapan na ning Dios.