Lucas 12:42 - Ing Mayap a Balita Biblia

⁴² Pekibat ning Ginu, Ninu wari ing ipus a tapat at matalino? Aliwa wari itang panibalan na ning panginuan na king pibalebale na ban munie pamangan karing aliwa pang ipus king oras ning pamangailangan da?

Lucas 12:42 Iomraidhean Croise

Exodo 36:4

Inya likuan da ring mangagaling a pangamat ing obra da at minta la kang Moises.

Ding Kasebian 12:8

Pupurian ya ing taung gagamit ustu king keyang kabiasnan, oneng kalibakan ing tanggapan na ning taung mangmang.

Ding Kasebian 15:23

Ing magsalitang banayad at ing amanung karampatan babie kaligayan king kenu man.

Ding Kasebian 27:18

Sesen me ing tanaman a mangga at mika pamangan ka karing bunga na. Ing talasuyung sesese king keyang panginuan, tanggap yang karangalan.

Ding Kasebian 31:15

Ganingaldo pa mibabangun ne ban magsadiang pamangan para king pamilya na at ban gisingan na la at tutukan obra ding babaing kasaup da king bale.

Isaias 50:4

Tiru na ku ning Ginung Dios nung nanu ing sukat kung sabian ban apasiknangan ku la ding mibabayatnan. Dirinan na kung sikanan balang abak ban itang ituru na kaku kakung pakiramdaman.

Jeremias 23:4

Tuldu kung pamuntuk a manibala karela. E na la pasibayung mitakutan ding taung kanakung pinili o galgal man at e ku na la pasibayung parusan. Aku, ing Ginu, ing migsalita.

Ezekiel 34:3

Inuman yu ing gatas, misusulud kayung imalan a megawa king bulbul da ring tupa, at pupulkeruan ye ing masanting diling tupa ban kanan ye. Oneng e yu la kapilan man lingapan ding tupa.

Mateo 13:52

Inya ngana karela, Nung makanyan, iti ing buri nang sabian: king ing balang talaturu ning Kautusan a kikilala king Kayarian ning Banua kalupa ne ning metung a mibalebale a milulual karing bage bayu at laun king pisisinupan na.

Mateo 20:8

Inyang mabengi na, ngana ning makibandi king katiwala na, Ausan mu na la deng magobra at bayaran mu la king karelang upa. Magumpisa ka karing tauling meyakua at itauli mu la ding minuna.

Lucas 12:43

Mapalad ya itang ipus a ita, nung dasnan neng magobra ning panginuan na king pamagbalik na!

Lucas 7:13

Panakit na ning Ginu king babaing mebalu, melunus ya keya. Inya sinabi na king babai, E ka tatangis.

Lucas 7:19

at tinubud na la king Ginu ba rang ikutang, Ika ing sasabian nang datang Juan o manaya ke pang aliwa?

Ding Dapat 20:28

Ingatan yu sa ing kekayung sarili at ing mabilug a kawan a binili na ning Banal a Espiritu king kekayung kapanibalan. Pastulan ye sa ing iglesia na ning Dios a pemuhunan na king mismung daya na ning Anak na.

1 Timoteo 3:15

ban nung sakali mang e ku agad miratang, agad mung abalu nung nanu ing maging panugali mu king pibalebale na ning Dios a mabie, ing iglesia a asias a pundasyun na ning katutuan.

1 Timoteo 5:17

Sikapan mung tanggap lang dobling kasaupan ding mayap a makatuang manibala king iglesia, lalung lalu na detang manaral at tuturu king amanu na ning Dios.

2 Timoteo 4:2

ipanaral mu ing amanu na ning Dios, makapanaun man o ali; managkat ka, mangamanu ka, at munie sikanan lub karing tau, at ituru mu lang mitmung kapibabatan.

Tito 1:7

Uling ing makatuang talapangasiwa ya ing manibala king iglesia bilang pekakatawan na ning Dios. Kailangan ing ala yang kapintasan; kailangan munaman ing e ya manabusu o agad mikakapali buntuk; e ya lasenggu o tampalasan o kaya sakim king pibandian.

Hebreo 13:17

Pamintuan yu la ding kekayung pamuntuk at tukian yu ing karelang yuyutus. Ila ding alang patugut mimingat kekayu at ila ding munie kwenta king Dios tungkul kaniti. Nung mamintu kayu karela, atuparan dang matula ing karelang obra; nung ali mibayatnan la lub tupad kaniti at ikayu naman ding maperhuisyu.

Hebreo 13:7

Ganakan yu la ding meging pamuntuk yu, ding sablang menaral king amanu na ning Dios kekayu. Ganakan yu nung makananu lang mibiebie at mete, at pakiapusan yu la king karelang kasalpantayanan king Dios.

Hebreo 3:5

Meging tapat ya i Moises king kabilugan nang pamilya ning Dios. Bilang metung a talasuyu, minie yang patutu tungkul karing bage a sabian na ning Dios king daratang a panaun.

1 Pedro 4:10

Ing balang metung, bilang mayap a talapangasiwa na ning miyayaliwa nang regalu ning Dios, sukat nang gamitan para king ikakayap ning metung at metung ing isanu mang regalu a makapasubali nang tinggap king Dios.