Lucas 12:23 - Ing Mayap a Balita Biblia

²³ Maygit ya ulaga ing bie kesa king pamangan at maygit ya ulaga ing katawan kesa king imalan.

Lucas 12:23 Iomraidhean Croise

Genesis 19:17

Ngara kang Lot inyang alual da na la king siudad, Mulayi na kayu at iligtas ing sarili yu. E kayu babalikid kagulutan yu at e kayu tutuknang king lugal a patag. Munta na kayu karing bunduk-bundukan ba kayung e mate.

Job 1:12

Ngana ning Ginu kang Satanas, Nung makanyan, bibili ku king kekang upaya ing heganaganang atyu kang Job; e mia mu panasakitan. Kaybat na nita meko ne king arapan na ning Ginu i Satanas.

Job 2:4

Pekibat nang Satanas, Ibie na ngan ing heganaganang atyu king tau ba yang e mate.

Job 2:6

Kanita ngana ning Ginu kang Satanas, Nung makanyan, atyu ne king lalam mung upaya, oneng e mia mu papaten.

Ding Kasebian 13:8

Makasaup ing pibandian king pamagligtas king bie ning masalapi, oneng ing kalulu ala ya mang talnan.

Lucas 12:22

Kaybat na nita, nganang Jesus karing alagad na, Iti ya ing sangkan nung inya sasabian ku kekayu: e kayu mababalisa tungkul king pamangan a kailangan yu ban mie kayu o tungkul king imalan para king katawan yu.

Lucas 12:24

Pagumasdan yu la deng awak: e la tatanam ni e la pupupul; ala lang bangan ni kamalig, makanyan man pakanan na la ning Dios. Di lalu na ikayo; maygit kayu ulaga kesa karing ayup!

Ding Dapat 27:38

Kaybat nang kinabsi ning balang metung bewasnan da pa ing karga na ning barku. Inugse ra king dagat ing trigu.