Lucas 12:21 - Ing Mayap a Balita Biblia

²¹ Makanyan, nganang Jesus, ing kararasan da ring taung tinipun pibandian para mu king sarili da, oneng e la mabandi arapan na ning Dios.

Lucas 12:21 Iomraidhean Croise

Ding Kasebian 13:7

Ating taung magkunwaring masalapi la, oneng king kamatutuanan ali la; magkunwari lang pakakalulu ding aliwa, oneng ing karelang pibandian milalu king karakal.

Hosea 10:1

Mengari la ding memalen na ning Israel king ubas a memungang dakal. Nung kapilan la minawa kabilian kanita la merakal ding telakad dang altar. Nung kapilan la merakal a pupul king asikan da, kanita da la pekalagu ding sagradung asias a batu a karelang sasamban.

Habakuk 2:9

Makalunus na kayo! Agawa yu lang mabandi ding kekayung pamilya king kapamilatan na ning pamaniamsam, at pekikuanan yung ligtas la ding bale yu king nanumang sakuna at panganib!

Lucas 12:33

Ipisali yu ing pibandian yu at ipamie yu ing abli karing pakakalulu. Gawa kayung bulsa a e maluluma at tumipun kayung pibandian karin banua uling karin e la mabawas; alang miraras a mapanako at alang puliliang makasira.

Lucas 16:11

Nung e ra kayu apagkatiwalan king pibandian na niting yatu, ninu ing magkatiwala kekayu king tune pibandian?

Lucas 6:24

Oneng kalulu na kayu, ikong mabandi ngeni; tikman yu na ing kanawan!

Roma 2:5

Oneng uli na ning kesiasan mung buntuk at ning pusu mung e biasang sumisi, lalu mung bubuntun king kekang sarili ing maragul a kaparusan a tanggapan mu king Aldo a mibugnus ing milalablab nang mua ning Dios at mipakilala ing matulid nang kayatulan.

2 Corinto 6:10

agyamang maragul ing kalungkutan, parati keng masaya; lupa keng pakakalulu, oneng seupan mi lang misalapi ding dakal; balamu mo ala kaming nanumang pibandian, oneng atyu ngan kekami ing sabla.

1 Timoteo 6:9

Oneng ding bisang mibandi mananabu la king tuksu at mangarakap la king dakal a kamulangan at e ustung kapagnasan a pasari king karelang pangabagsak at kasiran.

Santiago 2:5

Lawan yu, kaluguran kung kapatad! Ding lalawan nang pakakalulu ning yatu ila ding pinili na ning Dios para mipabandian la king kasalpantayanan, at magkamit king Kayarian a pengaku na karing malugud keya.

Kapahayagan 2:9

Balu ku ing kapagsubukan a daralanan mu. Balu ku king pakakalulu ka, oneng mabandi ka king tune pibandian. Balu ku ing pamanyirang puri a daraptan da keka ding magpanggap Judio; oneng king kamatutuanan kampun na lang Satanas.