Lucas 12:19 - Ing Mayap a Balita Biblia

¹⁹ At kaybat sabian ku king kanakung sarili, Kasuerti mo! Atyu na ngan keka ing sablang kailangan mu king makabang panaun. Inya magpaynawa na ka mu; mangan, minum at magsaya!

Lucas 12:19 Iomraidhean Croise

Job 14:1

Ing bie ning tau a beit ning babai makuyad ya mu, at dakal ya kaligaligan.

Ding Dalit 49:18

Agyang pang king bie na kontentu ya, at pinuri ding tau uling masuerti ya,

Ding Dalit 62:10

E kayu sa manalig king pamanampalasan; ala kayung apala nung manako na kayu man. Nung sakaling dakal man ing kekong pibandian, iti e yu sa panaligan.

Ding Kasebian 10:2

E pakinabangan ing pibandian a meyakua king pamaglinlang, oneng ing katapatan iligtas na ing bie mu.

Ding Kasebian 14:24

Ing korona da ring biasa ya ing karelang kabiasnan, oneng ing karing mangmang ya ing karelang kamulangan.

Ding Kasebian 18:11

Ukulan da ring mabandi king ing karelang pibandian ingatan na la king kapahamakan.

Ding Kasebian 23:5

Agad lang mawawala ding kualta; susulapo lang mabilis anti ing ayup a agila.

Ding Kasebian 27:1

E me ipagmayabang ing aldo bukas uling e mu balu nung nanu ing mapalyari.

Ecclesiastes 11:9

Kayanakan, tumula ka sana king kekang pangakayanakan. Magsaya ka kabang kayanakan ka. Daptan mu itang buri mung daptan at tukian ing buri ning kekang pusu. Oneng kapilan man e mu kakalinguan king ukuman na ning Dios ing sablang kekang daptan.

Ecclesiastes 2:24

Ing masanting nang daptan ning tau ya ing mangan, minum, at magsaya king bunga na ning pipagalan na. Balu ku king iti ibat king Dios

Isaias 22:13

Lugal king daptan yu yan, meyli kayu at migsaya. Mekamate kayung tupa at baka ban kanan at mininum kayung alak. Ngayung sinabi, Mayap pa ing mangan tamu at minum uling bukas mate ta na!

Isaias 5:11

Makalunus na kayo, uling mibabangun kayu neng abak a maranun ban minum alak at magpuyat king pamaglasing.

Isaias 5:8

Makalunus na kayo, uling daragdagan yu la pa ding bale at marangle a atyu na kekayu. E lumuat ala na lang paglugalan ding tau at ikayu namung dili yu ing manuknangan keti.

Isaias 56:12

Ngara deting lasenggu, Tara, kuma tamung alak at inuman ing anggang agyu tamu! Mas masanting ya ing aldo bukas kesa king ngeni!

Hosea 12:8

Oneng sasabian da, Mabandi kami! Misuerti kami! At ala ninuman a makasabi king mibandi kami king e ustung paralan.

Amos 6:13

Pagmaragul yung abihag ye ing balen Lodebar. Ngayu pang sasabi, Agyu-agyu ta yang salakayan ing Karnaim.

Habakuk 1:16

Sasamban da la at ampanganan ain-sakripisyu ding karelang lambat, uling ding lambat da ilang babie karela king pekamayap king sabla-sabla.

Lucas 12:18

A, oyni ing daptan ku, ngana, lasakan ku la ding kanakung kamalig at mitalakad kung lalung mangaragul. Karin ku ilulan ing kanakung pupul at ing sablang aliwa kung pibandian.

Lucas 16:19

Ating metung a taung mabandi a mimalan mal at ating labis-labis a pamangan aldo-aldo.

Lucas 21:34

Mingat kayu! E yu paburen ing mipasoso kayu king katakawan at pamaglasing, at e kayu paibalisa king pamanintun kabiayan, pota dasnan na kayu ning Aldong ita a e kayu makasadia.

1 Corinto 15:32

Nung alang-alang mu king tau inya pekilabanan ku la ding mabagsik a animal keni king Efeso, nanu ing maging pakinabang ku? Nung ding mete e la mipasublian mie, tukian ta nia itang kasebian, Mangan tamu at minum, uling bukas mate tamu.

Filipos 3:19

Deti pawa la ngang papunta king impierno, uling ing karelang atian ya ing gagawan dang dios da. Pagmaragul da pa itang sukat da sanang pikarine. Ing bukud mung maulaga karela ila ding miyayaliwang bage keti king yatu.

1 Timoteo 5:6

Oneng ing babaing mebalu a mayatu anti ne mong mete na agyamang mabie ya pa.

1 Timoteo 6:17

Iyutus mu karing mabandi king e la sa mapagmaragul ni manalig king pibandian a alang kapilmian; nune manalig la king Dios a babie labis-labis king bage a makaligaya kekatamu.

2 Timoteo 3:4

Aliwa mu yan, maging taksil la pa, barumbadu, matas a lub, at luguran da ing pamitutula na ning yatu kesa king luguran de ing Dios.

Santiago 5:5

Migpasasa kayu king tula at kalayawan keti king yatu. Anti yung pepataban at sidia ing sarili yu kalupa da ring animal a sesesen da para katatan.

1 Pedro 4:3

Dakal na ing panaun a ginamit yu king pamirapat-dapat a kalupa na ning karing paganu. Migbabad kayu king manong a dapat. Menusig kayu king buri na ning laman at alang patugut miglasing. Migpasasa kayu king alak angga king e yu na balu ing pamaniaptan yu neng miyabe-abe kayung magkonsuelo. E yu na pikarine ing makasumaming pamanyamba karing idolo.

Kapahayagan 18:7

Nung makananu yang migpasasa at migmatas, makanyan munaman ing ibie yung kasakitan at kalungkutan king Babilonia. Uling maralas nang sasabian, Makalukluk kung anting reyna; e ku mebalu, e ku takman kapilan man ing kalungkutan!

1 Samuel 30:16

At tiki na la nung nu la karin ding Amalekita. Disnan da lang pakakalat ketang lugal da; ating mamangan, miminum, at teterak, uling tutung dakal ing ikua rang pibandian king bansa da ring Filisteo at king sakup ning Juda.