Lucas 12:15 - Ing Mayap a Balita Biblia

¹⁵ At sinabi na karing sabla, Mangilag kayu king sablang uri na ning kasakiman, uling ing bie ning tau ala yu king pibandian na nu pa man anti iti karakal.

Lucas 12:15 Iomraidhean Croise

1 Ari 2:40

Inya seken ne ing asno na at minta ya king Gat ban kuanan kang Aring Akis ding adua nang ipus. Ikit na la karin at kinua na la.

Job 2:4

Pekibat nang Satanas, Ibie na ngan ing heganaganang atyu king tau ba yang e mate.

Ding Dalit 10:3

Ing taung e mayap pagmaragul na pa ing e mayap nang nasa ning pusu na; angga king ing Ginu pituya-tuya ne at susumpa.

Ding Dalit 37:16

Ing ditak nang kayatinan ning kalulu maygit yang e palak king dakal dang pibandian ding taung e mayap;

Ding Dalit 62:10

E kayu sa manalig king pamanampalasan; ala kayung apala nung manako na kayu man. Nung sakaling dakal man ing kekong pibandian, iti e yu sa panaligan.

Ding Kasebian 15:16

Mas mayap ing kalulung ating takut king Ginu kesa king mabandi ka oneng mitmu kang problema.

Ding Kasebian 16:16

Mas mayap ing manintun kabiasnan kesa king gintung mal, at ing beluan kesa king pilak a dakal.

Ding Kasebian 28:16

Ing pamuntuk a alang isip tampalasan yang mabagsik, oneng itang masama king e ustung paralan manungkulan yang maluat.

Jeremias 6:13

Magpakabandi ya ing balang metung, maragul at malati, king e ustung paralan; pati ding propeta at pari biasa na lang mamirait karing tau.

Ezekiel 33:31

Datangan da ka ring taung kanakung pinili ban makiramdam king kekang sabian, oneng e ra daraptan itang dimdam dang sukat dang daptan. Mayayama la king pamagsalita mu, oneng e la magbayu pamibiebie.

Mikeas 2:2

Kuanan da la ring marangle nung mangailangan la; nung bale na la man ding kailangan da, kakuanan da la naman. Ala yang kapilmian a bili ing pamilya na o ing pibandian na ning tau.

Habakuk 2:9

Makalunus na kayo! Agawa yu lang mabandi ding kekayung pamilya king kapamilatan na ning pamaniamsam, at pekikuanan yung ligtas la ding bale yu king nanumang sakuna at panganib!

Marcos 7:22

ing pamakipangalugud, ing kasakiman, at ing pamaniapat king miyayaliwang bage e matulid; ing pamamirait, ing manawang, ing diria, ing pamanyirang puri, ing ketasan, at ing kamangmangan.

Lucas 12:16

Kanita selita neng Jesus iting talimhaga. Ngana, Ing asikan na ning metung a taung mabandi mika masanting a pupul.

Lucas 16:14

Dimdam da iti ding Pariseo at pikayli-kayli re i Jesus uling malugud la king salapi.

Lucas 21:34

Mingat kayu! E yu paburen ing mipasoso kayu king katakawan at pamaglasing, at e kayu paibalisa king pamanintun kabiayan, pota dasnan na kayu ning Aldong ita a e kayu makasadia.

Lucas 8:14

Ing bining digpa libutad ning dikut a masuksuk kalupa da la detang makiramdam king amanu, oneng ing karelang kalingasngasan, ing pibandian at ing pamagsaya king bie ya ing makisiksikan king amanu at pupuputan da. Inya e na akuang lululut ning karelang bunga.

1 Corinto 6:10

ding mapanako, sakim, lasenggu, mapanagkas, at ding tulisan e re kamtan ing Kayarian ning Dios.

Colosas 3:5

Uli na niti, kailangan yung paten ing sablang agkat na ning yatu a atyu kekayu: ing pamakipangalugud, ing kanongan, ing kalibian, ding e mayap nang pamitan ning laman, at ing kasakiman (uling ing kasakiman metung yang anyu ning pamanyamba karing idolo).

2 Timoteo 3:2

Maging malugud la ding tau king sarili ra at king salapi. Maging palalu la, mayabang, mapaninsultu, mapaglaban karing pengari, ala lang pasalamat, at lapastangan la king Dios.

Hebreo 13:5

Ingatan yung e mididinatan ing bie yu king lugud king salapi at maging kontentu kayu king nanumang atyu kekayu. Uling ing Dios mismu sinabi na, E ra kayu lakuan kapilan man; e ra kayu paburen kapilan man.

Josue 7:21

Karing bage ikua tamu, menakit kung metung a masanting a balabal a gewa Babilonia, manga limang librang pilak, at metung a barang gintu a titimbang maygit metung a libra. Tutu ku lang aburi inya kinua ku la. Akit yu lang makakutkut kilub ning tolda ku. Makalalam ya ing pilak.

2 Pedro 2:14

Ala lang aliwang panintunan nune ding babaing daraptanan dang kanawangan; e la sasawang gagawang kasalanan. Tutuki da la king pamikasala ding mangaina lub. Tutu na lang misane king kasakiman. Tau lang piniumpa!

2 Pedro 2:3

King karelang kasakiman, paglinlangan da kayu karing makawiling pamagsalita ba rang akua ing kekayung kayatinan. Malambat neng makasadia ing Manukum karela at e ya matudtud ing Mamuksa karela.