Lucas 12:14 - Ing Mayap a Balita Biblia

¹⁴ Pekibat na, Abe, ninu ing tinuldu kanaku ban maging ukum o ban pipartian ku kekayu ing kekayung mana?

Lucas 12:14 Iomraidhean Croise

Exodo 2:14

Mekibat ya ing taung kitnan na, Ninu ing minie upaya keka ban maging pamuntuk ka at ukum kekami? Buri mu ku munaman galang paten antimo nung makananu meng pete itang tau Ehipto? Mitakutan ya i Moises at ngana king lub na, Abalu da na pala deng tau ing depat ku.

Mikeas 6:8

Ali! Sinabi na na ning Ginu kekatamu nung nanu ing mayap. Ing pakiduang na kekatamu ning Ginu ya ini: daptan itang matulid, ipakit ing lugud a e kukupas, at mibiebie king mapagpakumbabang pamakiabe king kekatamung Dios.

Lucas 12:13

Ngana kang Jesus ning metung a taung kayabe da ring malda, Maestro, yutus mu king kakung kapatad king ibie na kanaku ing parti ku king pibandian a likuan nang tatang mi.

Lucas 22:58

Kaybat da ring mapilan a penandit, apansin ne ning metung a lalaki at ngana keya, Metung ka naman karela! Oneng pekibat nang Pedro, Abe, magkamali ka!

Lucas 5:20

Inyang ikit nang Jesus ing maragul dang kasalpantayanan, ngana king lalaking paralitiko, Kakaluguran, mipatawaran la ding kekang kasalanan.

Juan 6:15

Balu nang Jesus king buri deng lapitan ban pilitan deng gawan ari. Inya meko yang pasibayu at minta yang magdili-dili king bunduk-bundukan.

Juan 8:11

Nganang mekibat, Ala pu, ginu. Nganang Jesus, Aku man, e ra ka atulan. Mako na ka at e na ka mikakasalang pasibayu.]

Roma 2:1

Inya, kakaluguran ku, ala yang bitasang matulid ing ninuman kekayu a matul karing aliwa. Uling king pamanatul mu karing aliwa atulan mu na pati na ing kekang sarili uling ing dapat mu alang pangayaliwa ketang dapat na.

Roma 2:3

Oneng, ika kakaluguran, daraptan mu la naman ding bage atulan mu karing aliwa! Isipan mu mo king miligtas na ka man king kayatulan na ning Dios?

Roma 9:20

Ninu mo ika, kakaluguran, para magsalita kang makanyan king Dios? Ing metung a lulanan a megawa king pila e na kukutang king taung ginawa keya, Obat makanyan mu kung gewa?