Lucas 12:11 - Ing Mayap a Balita Biblia

¹¹ At nung idala ra kayu ban litisan karing sinagoga o king arapan da ring pamuntuk at maki kayupayan, e yu ikakabalisa nung makananu yung idipensa ing sarili yu o nung nanu ing kekayung sabian.

Lucas 12:11 Iomraidhean Croise

Exodo 4:12

Sulung, lumakad na ka! Saupan da kang magsalita at ituru ku keka nung nanu ing sukat mung sabian.

Mateo 23:34

Inya itubud ku la kekayu ding propeta, ding taung mangabiasa at talaturu. Pamaten yu la ding aliwa karela at ipaku yu la king krus ding aliwa. Paglatikuan yu la ding aliwa karin king kekayung sinagoga at lumipat kayu karing siudad manintun karela ba yu lang dakpan.

Mateo 6:25

Inya sasabian ku kekayu: e kayu paigulu isip tungkul king bie yu, nung nanung kanan yu at inuman o tungkul king katawan yu, nung nanu ing isulud yu!

Mateo 6:27

Neng paibalisa kayu isip, ninu mo kekayu ing makapakaba king bie na agyang metung mu mang oras?

Mateo 6:28

Obat paigulu kayu isip tungkul king kekayung piblasan? Lawan yu la ding sampagang tutubu king marangle: e la magobra ni e la mamabal!

Mateo 6:31

Inya e kayu paigulu isip kukutang: Nukarin kami kumang pamangan, inuman, at piblasan?

Mateo 6:34

Uli na niti, e me pigaganakan ing aldo bukas; saka yu na arapan nung nanuman ing darala na. Makagyu na ing darala nang problema ning balang aldo; e yu na daragdagan pa.

Lucas 12:22

Kaybat na nita, nganang Jesus karing alagad na, Iti ya ing sangkan nung inya sasabian ku kekayu: e kayu mababalisa tungkul king pamangan a kailangan yu ban mie kayu o tungkul king imalan para king katawan yu.