Lucas 11:9 - Ing Mayap a Balita Biblia

⁹ Inya sasabian ku kekayu: Maniawad kayu at mirinan kayu; manintun kayu, at manakit kayu; tuktuk kayu, at mibuklatanan kayung pasbul.

Lucas 11:9 Iomraidhean Croise

Ding Dalit 118:5

Inyang atyu ku king kagutgutan minaus ku king Ginu; pekibatan na ku at linigtas na ku.

Ding Dalit 27:4

Metung mung bage ing aduan ku king Ginu, at metung mu ing kakung pagnasan; king Templo na sa karin ku manuknangan king kapilan pa man ban kakung tangalan ing keyang kayapan, at turu na tanggapan.

Ding Dalit 27:8

Ngamung sinabi, Me keni; panintunan mu ku. Ngakung mekibat, Buri da kang akit, Ginu.

Ding Dalit 34:10

Magkulangan la at daranup ding leon, oneng detang king Ginu magdulap e la magkulangan.

Ding Dalit 34:4

Menalangin ku king Ginu, at pekibatan na ku; karing sablang kakung takut linigtas na ku.

Ding Dalit 50:15

King oras ning kekong kaguluan maus kayu kaku; iligtas da kayu at parangalan yu ku.

Ing Malagung Diling Kanta 5:6

Biklat ke ing pasbul para king pakamalan ku, oneng ing kakung pakamalan ala yu. Sabik kung damdaman ing siwala na; inaus ke, oneng alang mekibat. Penintun ke, oneng e ke ikit.

Isaias 45:19

E ku migsalita king makalihim o selikut ing kakung parasan. E ku pekiduang karing memalen ning Israel ing panintunan da ku king karinan a alang kabaldugan. Aku ing Ginu at ing katutuan yang kakung sasabian; ibubulalag ku itang makatuliran.

Jeremias 29:12

Maus kayu kanita kanaku. Lumapit kayu kanaku at manalangin, at pakibatan da kayu.

Jeremias 33:3

Maus ka kanaku at pakibatan da ka; sabian ku la keka ding malagu at makapagmulalang bage a e mu balu.

Daniel 9:3

At taimtim kung menalangin king Ginung Dios; menalangin ku king Dios, mig-ayunu, misulud imalan a magaspang, at linukluk ku king abu.

Mateo 21:22

Nanuman ing aduan yu king kekayung pamanalangin tanggapan yu, nung atin kayung kasalpantayanan.

Mateo 21:31

Ninu karing adua ing tinupad king kaburian na ning tata? Itang pangane, ngarang mekibat. Sasabian ku ngeni kekayu, nganang Jesus karela, muna la pang lungub king Kayarian ning Dios kesa kekayu ding talapanyingil buis ampon ding babaing magtinda king katawan da.

Mateo 6:29

Iti ing sasabian ku kekayu: i Solomon agyang mabandi ne, e ya pa naman mimalan a kasing santing ning metung karing sampagang den!

Marcos 11:24

King uli na niti sasabian ku kekayu, nung manalangin kayu at aduan yu ing nanuman, panaligan yu king iti tinggap yu na, at ing sabla miyabie kekayu.

Marcos 13:37

Ing sasabian ku kekayu ya naman ing sasabian ku karing sabla: Magsadia kayu!

Lucas 11:10

Uling ing balang maniawad miririnan ya; ing balang manintun manakit ya, at ing balang tutuktuk mibuklatanan ya.

Juan 14:13

Ing nanumang aduan yu king lagyu ku daptan ku ban mipaligayan ya ing Ibpa king kapamilatan na ning Anak.

Juan 15:16

E yu ku pinili, nune aku ing memili at tinuldu kekayu ban lumual kayu at mamunga karing bungang manatili. King uli na niti, nanumang aduan yu king Ibpa king lagyu ku, ibie na kekayu.

Juan 15:7

Nung manatili kayu kanaku at ding amanu ku manatili la kekayu, aduan yu itang nanumang buri yu at miyabie kekayu.

Juan 4:10

Sinabi nang Jesus, Nung balu mu mu ing babie ning Dios at nung ninu ing maki-inum, mekad ika na ing maniawad keya at ibie na keka ing danum a mabie.

Roma 2:7

Ating taung e patugut darapat mayap, manintun ligaya, dangal at bie alang angga; ibie na kareti ning Dios ing bie alang angga.

2 Corinto 6:2

Uling ing Dios sasabian na, Pekiramdaman da ka king oras a karapatdapat kaku, sinaupan da ka king aldo ning kaligtasan. Makiramdam kayu! Ngeni na ing oras a karapatdapat. Ngeni na ing aldo ning kaligtasan!

Hebreo 11:6

E ne apaligayan ning ninuman ing Dios, nung ala yang kasalpantayanan. Uling ing ninuman lalapit king Dios kailangan nang salpantayanan king ating Dios, at ing Dios ya ing mamablas karing sablang manintun keya.

Hebreo 4:16

Inya kayabe na ning matibe kapanaligan, lumapit tamu king tronu na ning Dios ba tamung tanggapan ing lunus at saup king oras ning pamangailangan tamu.

Santiago 1:5

Nung kekayu ating mangailangan kabiasnan, sukat nang aduan iti king Dios at ibie na kekayu ning Dios uling maganaka ya ing Dios at e ya mamarsala.

Santiago 5:15

Iligtas ne ing masakit ning panalangin a bunga na ning kasalpantayanan. Ibangun ne ning Ginu at nung atin yang kasalanan mipatawaran la naman.

1 Juan 3:22

Tatanggapan tamu ing nanumang aduan tamu king Dios, uling pamintuan ta la ding utus na, at daraptan tamu itang babie tula keya.

Kapahayagan 2:24

Oneng sasabian ku karing aliwang tau ken Tiatira a e makiramdam king e mayap nang turung Jezebel at e mebiasa king ausan dang malalam nang lihim Satanas, ala kung papusan a mabayat.