Lucas 11:41 - Ing Mayap a Balita Biblia

⁴¹ Kailangan ipamie yung limus ing laman ding kekayung tasa at pinggan, at maging malinis ing sablang bage kekayu.

Lucas 11:41 Iomraidhean Croise

Ding Dalit 112:9

Makabuklat ya gamat, at karing pakakalulu mapaniapat yang mayap; manatili kapilan man ing mayap nang pilubluban. Maging mayupaya ya at miparangalan.

Ding Dalit 41:1

Masaya ya ing taung karing kalulu magmalasakit, uling ing Ginu matula neng saupan king oras ning kagipitan.

Ding Kasebian 14:31

Ing pamanabusu karing kalulu pamaglapastangan king karela Linalang, oneng ing pamaniaup iti pamipaligaya king Dios.

Ding Kasebian 16:6

Maging tapat ka at matupad at patawaran na ning Dios ing kekang kasalanan. Milaut ka king kasiran, nung ing Ginu ya ing kekang galangan at pitakutan.

Ding Kasebian 19:17

Anti kang paparam king Ginu neng daraptanan mong mayap ding kalulu, at ablas ning Ginu tanggapan mu.

Daniel 4:27

Inya Makamal a Ari, tukian yu ing kanakung payu. Tuknang na kayung darapat pamikasala, gawan yu itang matulid, at maging mapaglunus kayu karing pakakalulu. Kanita manatili kayung payapa pamibiebie.

Mateo 26:11

E la mako kekayu ding kalulu, oneng e yu ku akayabe kapilan man.

Mateo 5:42

Nung ating maniawad keka, dinan me; at nung ating mandam keka, paraman me.

Marcos 7:19

Iti e tataglus king pusu na nune king atian na, at kaybat lumual munaman keya. (Kaniting pamagsalita nang Jesus pepakilala na king ing sablang pamangan malyaring kanan.)

Lucas 12:33

Ipisali yu ing pibandian yu at ipamie yu ing abli karing pakakalulu. Gawa kayung bulsa a e maluluma at tumipun kayung pibandian karin banua uling karin e la mabawas; alang miraras a mapanako at alang puliliang makasira.

Lucas 16:9

At sindu nang Jesus ing pamagsalita na. Ngana, Inya sasabian ku kekayu: gamitan yu king pamakikaluguran ing pibandian keti king yatu. Magisan man iti, matanggap na kayu man king tuknangan a alang angga.

Lucas 18:22

Inyang dimdam nang Jesus iti, ngana, Atin pang metung a bage a kulang keka. Ipisali mu ing sablang pibandian mu at ipamie mu ing abli mu karing pakakalulu at mika pibandian ka karin banua. Kaybat, mibalik ka keti at tuki ka kanaku.

Lucas 19:8

Tinalakad ya i Zaqueo at sinabi na king Ginu, Ginu, ing kapitna king pibandian ku ipamie ku karing pakakalulu. At nung sakaling atin kung pirait ninuman, isubli kung makatapat a besis keya.

Ding Dapat 10:15

Pasibayu nganang miniabi ning bosis, E mu tuturing marinat ing nanumang lininis na ning Dios.

Ding Dapat 11:29

Pikayari da ring alagad king ing balang metung karela pakikuanan nang iparala itang sablang agyu ra karin ban sumaup karing talasalpantayang atyu Judea.

Ding Dapat 24:17

Kaybat na ning makabang panaun a mibiebie kung makarayu king Jerusalem birian kung migbalik ban iyatad ku la ding ditak a salaping pekasaup karing sarili kung kabalen at ban miyain sakripisyu.

2 Corinto 8:12

Uling nung laus king lub yu ing pamamie, tanggapan na ning Dios ing kekayung kagiwan; e na panenayan ing munie kayu king e yu agyu.

Efeso 4:28

E ne kailangan manako ing mapanako, nune magobra ya at gamitan na la ding gamat na king marangal a kapanintunan ban asaupan na la ding mangailangan.

Tito 1:15

Malinis ing sabla para karetang ating malinis a pilubluban; oneng para karing marinat a isip at alang kasalpantayanan ing sabla marinat, uling marinat la ding karelang kaisipan at konsiensia.

Hebreo 13:16

Isulung yu ing pamaniapat mayap at ing pamisaupan king metung at metung, uling deti sakripisyu lang babie tula king Dios.

Hebreo 6:10

Uling ing Dios tapat ya; e na kalinguan ing kekayung depat at ing lugud a pepakit yu, at angga man ngeni papakit yu king pamaniuyu yu karing kalupa yung Cristianu.

Santiago 1:27

King arapan na ning Dios a Ibpa tamu, ing tune at dalise relihiun ya ini: saupan la ding ulila at ding babaing mebalu king karelang kasakitan, at ingatan ing sarili ban e midinatan king e mayap na ning yatung iti.