Lucas 11:40 - Ing Mayap a Balita Biblia

⁴⁰ Mangmang! E wari ing Dios a linalang king makalual ya naman ing linalang king atyu kilub?

Lucas 11:40 Iomraidhean Croise

Genesis 1:26

Kanita ngana ning Dios, Lalangan ta ya ing tau king wangis tamu. Ila ding manibala karing asan na ning dagat, karing ayup, karing baka, karing heganaganang animal, at karing heganaganang melalang a gagapang king yatu.

Genesis 2:7

Inubug ne ning Ginung Dios ing tau ibat king alikabuk at pengisnawanan ne arung king pangisnawa ning bie, at mika bie ya ing tau.

Ding Dalit 14:1

Ding mangmang karelang sasabian Alang Dios! Makanyan la ngan ding taung e mayap; makasumami ing karelang dapat. Ala metung man karela ing darapat mayap.

Ding Dalit 33:15

Ya ing miyubug king isip da; sablang dapat da balu na.

Ding Kasebian 1:22

Taung mangmang! Angga kapilan yu buri ing ala kayung beluan? Angga kapilan yu pituya-tuya ing kabiasnan? Kapilan kayu pa kaya mabiasa?

Ding Kasebian 8:5

Ikong mangmang, kabiasnan kekong pagaralan, at pakaisipan.

Jeremias 5:21

Pansinan yu iti, ikayung memalen a mangmang at alang balu; atin kayung mata, oneng e na ko man manakit, at atin kayung balugbug, oneng e na ko man makaramdam.

Zacarias 12:1

Iti ya ing mensahi tungkul king Israel. Ibat ya iti king Ginu, ing Ginu a miladlad king banua at linalang king yatu at minie bie king tau. Sasabian na,

Ding Bilang 16:22

Migsakab la king gabun di Moises at Aaron. Kaybat ngara, O Dios a sibul ning sablang bie, paten yu la wari ding sablang tau uli na mu ning kasalanan na ning metung a tau?

Mateo 23:17

Bulag at mangmang! Isanu ing lalung maulaga: ing gintu o ing Templo a makapagbanal king gintu?

Mateo 23:26

Bulag a Pariseo! Linisan me pa mu kilub ding piinuman at pipanganan ban luminis la naman king lual.

Lucas 12:20

Oneng ngana ning Dios keya, Mangmang! Ngening bengi mate ka; kaninu mipunta ing pibandian a tinipun mu?

Lucas 24:25

Kanita sinabi nang Jesus karela, Kapurul yu naman a isip! Angga ngeni e yu pa paniwalan ing sablang inula da ring propeta?

1 Corinto 15:36

Mangmang! Neng tatanam kang bini king gabun e ya tumubu anggang e ya pa mate.

Hebreo 12:9

Bukud pa kanyan, ding tata tamu king laman didisiplinan da katamu, at uli na nian igagalang ta la. E wari lalung matulid ing pasakup tamu king Dios a Ibpa tamu king espiritu ba tamung mie?