Lucas 11:4 - Ing Mayap a Balita Biblia

⁴ At patawaran mu kami karing kasalanan mi, uling patawaran mi la naman detang mikasala kekami. E mu ke iyarap king mabayat a kapagsubukan.

Lucas 11:4 Iomraidhean Croise

Genesis 48:16

Bendisyunan no sana ning anghel a mikabus kanaku king heganaganang e mayap ding anak a reti; karela ya sana manatili ing lagyu ku antimu rin ing lagyu ra di Abraham at Isaac a kanakung pipumpunan, dakal la sana ding ayanak da keti king yatu.

1 Ari 8:34

pakiramdaman mu la sana ken king banua at patawaran ing kasalanan da at ibalik pasibayu king lugal a binie mu karing makatua da.

1 Ari 8:36

pakiramdaman mu la sana ken king banua. Patawaran mu ing kasalanan da ring taung pinili mu, ding memalen ning Israel, at ituru mu itang mayap a sukat dang daptan. Kaybat, ibaldug mu ing uran keting kekang gabun a kekang binie karing kekang memalen bilang mana ra.

Ding Dalit 121:7

Ingatan na ka ning Ginu king sablang panganib; ilisia na ka king sablang disgrasya.

Ding Dalit 25:11

Alang-alang king kekang lagyu, O Ginu, dakal kung kasalanan keka sanang patawaran.

Ding Dalit 25:18

Lawan mu ining dusa ku't kasakitan; kekang patawaran sabla kung kasalanan.

Daniel 9:19

Ginu, pakiramdaman mu kami. Ginu, patawaran mu kami. Ginu, pakiramdaman mu kami at kimut na ka sa! E mu yantala ban abalu na ning balang tau king ika Dios ka! Bandi me ing siudad at ding tau.

Hosea 14:2

Mibalik na kayu at sabian ye king Ginu iting panalangin: Patawaran mu sana ing sabla ming kasalanan; tanggapan mu sana ing panalangin mi at samban da ka antimo ing pengaku mi.

Mateo 18:35

Nganang memupus Jesus king pamagsalita na, Makanyan munaman ing daptan na kekayu ning Ibpa kung atyu banua, nung ing balang metung kekayu e ya biasang mamatawad maniaman king lub na king kapatad na.

Mateo 26:41

E kayu matudtud, manalangin kayu ban e kayu manabu king tuksu. Ing espiritu bisa ya, oneng ing laman maina ya.

Lucas 11:5

Ngana pang sinabi karela, Ipalage tamung ing metung kekayu minta ya king metung a kakaluguran king kapitangan ning bengi at sabian na, Abe, paraman mu kung atlung tinape.

Lucas 13:4

O deta namang labing walu kataung mete inyang mipatanan la king tore na ning Siloe? Isipan yu galang king mas maragul la kasalanan kesa karing aliwang taung manuknangan Jerusalem?

Lucas 22:46

Ngana karela, Baket matudtud kayu? Mibangun kayu at manalangin ban e kayu manabu king tuksu.

Lucas 8:13

Ding bining digpa king gabun a mabatu ila naman detang dinamdam king amanu at tinggap dang matula. Oneng e tinaglus king pusu ra. Meniwala la sinaguli, oneng painggulut la potang daratang ing kapagsubukan.

Juan 17:15

E ku aduan keka ing ilako mu la king yatu, nune ilisia mu la king Marawak.

1 Corinto 10:13

Ing balang kapagsubukan a daratang kekayu, ya naman ing karaniwan a daratang karing tau. Oneng tapat ya ing Ginu king pangaku na at e na kayu paburen masubuk king e yu agyung pibatan. King oras a masubuk kayu, dinan na kayung sikanan ban apibata yu, at gawa yang paralan ban adaig yu ing kapagsubukan.

Colosas 3:13

Mipapanupaya kayu at mipapamatawad kapilan mang atin yang paginakit ing ninuman king aliwa. Pepatawaran na kayu ning Ginu, inya ikayu man sana mipapamatawad kayu.

2 Tesalonica 3:3

Tapat ya ing Ginu. Dinan na kayung sikanan at iligtas na kayu king Marawak.

2 Timoteo 4:18

Iligtas na ku ning Ginu king sablang e mayap at ya mu rin ing miyatad kanaku king Kayarian na. King Ginu ing ligaya king kapilan pa man! Amen.

Santiago 2:13

Atulan neng alang lunus ning Dios ing ninumang e biasang lumunus; oneng e ya sukat mitakutan ing mapaglunus arapan na ning ukum.

Kapahayagan 2:10

E ka mitatakutan karing kaligaligan a malapit nang mapalyari keka. Tandanan mu iti: ipasukul na la ning diablo ding mapilan kekayu. Kapagsubukan iti kekayu at magkasakit kayu kilub ding apulung aldo. Manatili kang tapat angga king kamatayan at ibie ke keka ing korona na ning bie.

Kapahayagan 3:10

Uling tiparan mung mitmung kapibabatan ing utus ku, ingatan da ka potang datang na ing oras ning kapagsubukan karing sablang tau keti king yatu.