Lucas 11:34 - Ing Mayap a Balita Biblia

³⁴ Mengari lang sulu ning katawan ding mata yu. Nung masala la ding mata mu, sumala ya ing mabilug mung katawan. Nung mapula la ding mata mu, dalumdum ya ing mabilug mung katawan.

Lucas 11:34 Iomraidhean Croise

Genesis 19:11

Kaybat na nita, binulag da la ring taung atyu king pasbul, anak at matua, angga king e ra ne akit ing pasbul.

Ding Dalit 119:18

Mata ku keka lang ibuklat ban kaku lang akit ding makapagmulala nang katutuan ning kekang kautusan.

Ding Dalit 81:12

Inya king kesiasan dang pusu pepaburen ku na la, bahala na lang gawa ketang buri da.

Ding Kasebian 21:4

Alipan na la ning kaimutan at kapalaluan ding taung tune e mayap, at iti kasalanan.

Ding Kasebian 28:22

Mamalagua ya ing sakim ba yang agad mikualta; e na balu king datang ing kalipitan king bie na.

Isaias 29:10

Gewa na kayung mitutundu ning Ginu at makasadiang matudtud malalam. Ding peka mata na ning balen ila ding propeta, oneng tikpan na la mata ning Dios.

Isaias 42:19

Atin pa kayang mas bulag kesa king kakung talasuyu o mas maklak kesa king tubud a kakung tinubud?

Isaias 44:18

E ra balu at e ra aintindian ing daraptan da reting tau uling milalu ing karelang kamangmangan. Sasara da la ring mata ra at ing pamisip da king katutuan.

Isaias 5:20

Makalunus na kayo, uling ausan yung e mayap ing mayap, at ing e mayap ya ing ausan yung mayap. Gagawan yeng masala ing madalumdum at gagawan yeng madalumdum ing masala. At gagawan yung mayumu pati ing mapait, at ing mayumu naman ya ing gagawan yung mapait!

Isaias 6:10

Kaybat sinabi na kanaku, Gawan mu lang mapurul a isip ding taung deti, maklak, at bulag ban e la manakit o makaramdam o makaintindi. Magkang magbalik la lub kanaku at maulu la nung manakit la, makaramdam, at makaintindi.

Jeremias 5:21

Pansinan yu iti, ikayung memalen a mangmang at alang balu; atin kayung mata, oneng e na ko man manakit, at atin kayung balugbug, oneng e na ko man makaramdam.

Marcos 4:12

ban kanita, Nanan da mang lumawe e la manakit, nanan da mang makiramdam e ra aintindian, pota mibalik la pa lub king Dios, at ya naman patawaran na la.

Marcos 7:22

ing pamakipangalugud, ing kasakiman, at ing pamaniapat king miyayaliwang bage e matulid; ing pamamirait, ing manawang, ing diria, ing pamanyirang puri, ing ketasan, at ing kamangmangan.

Marcos 8:18

Atin kayung mata, e kayu manaket? Atin kayung balugbug, e kayu makaramdam? E yu atatandanan itang mepalyari

Lucas 11:35

Inya mingat ka, pota ing sala a atyu keka, karalumduman pala.

Ding Dapat 13:11

Dugpa ya keka ngeni ing gamat na ning Ginu; mabulag ka at malambat mung e akit ing sala na ning aldo! Kanita mu rin penamdaman nang Elimas king ating digpang matuling a ulap king mata na, at kakapkap ya at durutdurut manintun tumaid keya.

Ding Dapat 2:46

Aldo-aldo lang mititipun miyabe-abe king Templo, at misulusulu la king pamamirasung tinape karing karelang pibalebale. Misulusulu lang mitmung saya at katapatan,

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

2 Corinto 1:12

Iti ya ing pagmaragul mi: patutuan na ning pilubluban mi king ing pamakiabe mi karing sabla, lalung-lalu na kekayu, tapat at alang pamagkunwari. Iti uli na ning saup ning Dios at e uli na ning kabiasnan-tau.

2 Corinto 11:3

Oneng mikakunu ku; pota malasun ing kekayung pamisip at mirayu kayu king tapat at malinis a pamanalig kang Cristo, antimo nung makananu neng alinlang ning ubingan i Eva.

2 Corinto 4:4

E la maniwala uling ding pamisip da binulag na la ning dios na niting yatu. Binulag na la ban e ra akit ing aslag na ning Mayap a Balita tungkul king ligaya nang Cristo a larawan na ning Dios.

Efeso 1:17

at aduan ku king Dios ning Ginu tamung Jesu-Cristo, ing marangal a Ibpa, king ibie ne sa kekayu ing Espiritung babie kabiasnan kekayu at pakilala king Dios ban lubus yeng abalu.

Efeso 6:5

Ikayung ipus, pamintuan yu la ding panginuan yu keti king yatu king mitmung kagalangan, takut at katapatan anti na waring i Cristo ing kekayung susuyuan.

Colosas 3:22

Ikayu namang ipus, pamintuan yu la sanang parati ding kekayung panginuan king sablang bage, at mamintu kayu e mu neng babanten da kayu ba yu lang akua pilubluban, nune king pusung tapat at uli na ning lugud yu king Ginu.