Lucas 11:22 - Ing Mayap a Balita Biblia

²² Nung luban ne ning taung mas masikan at sambutan ne, kuanan na la ngan ding sandatang panaligan na ning makibandi, at ipamie na ning taung linub ing banding penako na.

Lucas 11:22 Iomraidhean Croise

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Exodo 15:9

Ngana ning kalaban, Tagalan ku la at dakpan, sablang karelang pibandian kakung samsaman, at sabla kung aburi kakung kuanan; kakung espada kaku yang bagutan, ba kung kuanan ing sabla rang pibandian.

Isaias 27:1

King aldong ita gamitan ne ning Ginung Mayupaya ing mataram nang espada ban parusan ne ing Leviatan, ing mabilis at liko-likong dragon. Paten ne iting lasip a manuknangan king dagat.

Isaias 53:12

Inya naman dakayanan keng lugal a mitmung dangalan, metung a lugal libutad ding taung mayupaya at marangal. King mitmung kalausan a lub dinaun nang bie na, at tinggap ing kapalaran da ring taung e mayap. Kinua na ing lugal ding dakal a makasalanan, at penalangin na king kamtan da sa ing kapatawaran.

Lucas 11:21

Nung ing metung a taung masikan at makasandatang ganap banten ne ing bale na, ing bandi na ligtas.

Lucas 11:23

Ing taung e kampi kanaku laban ya kanaku, at ing e makipanipun kanaku, king kamatutuanan mangalat ya.

Efeso 6:11

Isulud ye ing baluti a binie na ning Dios ban alabanan yu la ding sablang dewakan a pasari na ning diablo.

Efeso 6:13

Inya, isulud ye ing baluting ibat king Dios ban nung datang na itang aldo ning dewakan, asupil ye at kaybat na ning kekayung pamakilaban, manatili kayu pa mu ring matatag.

Colosas 2:15

At king krus a ita linupig na lang Cristo ding pamuntuk at upayang espiritual. Gewa na lang piyalben ning balen inyang linimbun na la kagulutan na kaybat ning pamagtagumpe na.

1 Juan 3:8

Kakampi ne ning diablo ing ninumang darapat kasalanan. Uling manibat na king minuna darapat neng kasalanan ing diablo. Uli na niti, dinatang ya ing Anak ning Dios ban siran na ing dapat na ning diablo.

1 Juan 4:4

Anak, king Dios kayu at asaul yu na la ding propetang e tutu, uling ing Espiritung atyu kekayu mayupaya ya kesa king espiritung atyu karing mayatu.