Lucas 11:21 - Ing Mayap a Balita Biblia

²¹ Nung ing metung a taung masikan at makasandatang ganap banten ne ing bale na, ing bandi na ligtas.

Lucas 11:21 Iomraidhean Croise

Isaias 49:24

Malyari kayang akua king sundalus ing banding ikua na? Malyari la kayang aligtas ding bihag ning metung a taung mapaniupil?

Mateo 12:29

Alang makapanlub king bale na ning taung masikan ban panakawanan ne king pibandian na. Kailangan igapus ne pa ing taung masikan. Nung agapus na ne, kanita ne pa malyaring panakawanan ing pibalebale na.

Marcos 3:27

Alang malyaring makapanlub king bale na ning metung a taung masikan at saka na samsaman ing pibandian na, subali mu nung igapus ne pa ing maki bale. Kaybat, kanita ne pa mu lubus aluban at panakawanan ing baleng ita.

Lucas 11:20

Nung papalual kung demonyu king kapamilatan na ning upaya ning Dios, mangabaldugan king miras ne kekayu ing Kayarian ning Dios.

Lucas 11:22

Nung luban ne ning taung mas masikan at sambutan ne, kuanan na la ngan ding sandatang panaligan na ning makibandi, at ipamie na ning taung linub ing banding penako na.