Lucas 11:2 - Ing Mayap a Balita Biblia

² Nganang Jesus, Sabian yu ing anti kaniti neng manalangin kayu: Ibpa, samban ya sa ing lagyu mu; datang ne sa ing Kayarian mu.

Lucas 11:2 Iomraidhean Croise

1 Ari 8:43

pakiramdaman mu sa ing panalangin na ken king banuang tuknangan mu, at ibie ing kayaduanan na ban ding sablang tau ning yatu akilala ra ka at mamintu la keka antimo ding memalen mung Israelita. Kanita abalu ra king iting Templong telakad ku metung yang lugal nung nu ka dapat misamban.

2 Ari 19:19

Ngeni, O Ginu kekaming Dios, iligtas mu kami karing tau Asiria ban akilala da ring bansa king ika mung bukud ing Dios.

2 Cronica 20:6

Kaybat nganang menalangin masikan, O Ginung Dios da ring makatua mi, aliwa wari ika ing Dios a atyu banua? Ika ing mamahala karing sablang kayarian na ning yatu. Atyu keka ing upaya at ing sikanan at ala metung man a makalaban keka.

Ding Dalit 103:20

Ikong masikan at mayupayang anghel, purian ye ing Ginu, ikong mayupaya at masikanan a mamintu king keyang amanu.

Ding Dalit 108:5

O Dios ko, mitas ka pa sana lagpus king banua; king meto yatu ipakit mu na ing kekang ligaya,

Ding Dalit 11:4

Ing Ginu atyu ya king banal a Templo na, ing tronu na atyu karin banua; mata na king yatu makalawe la, miraras karing sablang tau ing pamaglalawe na.

Ding Dalit 57:11

Ing dangalan mu, O Dios ko, pakit mu king banua, at king mabilug a yatu ipakit mung kekang ligaya.

Ecclesiastes 5:2

E ka agad mangaku king Dios; misip kang banayad bayu ka gawang pangaku king Dios. Atyu banua ing Dios at ika atyu ka king yatu, inya e mu sasabian itang e mu agyung daptan.

Isaias 63:16

Ika ing kekaming tatang. E ra ke kikilalanan agyang di Abraham at Jacob a makatua mi, oneng ika, Ginu, ing kekaming tatang, e mu ke tiknangan liligtas.

Ezekiel 36:23

Potang ipakit ku na karing bansa ing kabanalan na ning marangal kung lagyu, ing lagyung kekong leko dangalan libutad da, akilala ra kanita king aku ing Ginu. Aku, ing Ginung Dios, ing migsalita. Gamitan da kayu ban ipakit karing bansa king aku banal ku.

Daniel 2:28

Oneng ating Dios king banua a pepabalu karing bage makalihim. Makamal a Ari, pepayabut na kekayu ning Dios ing mapalyari king panaun a daratang. Ngeni sabian ku ne kekayu ing apaninap yu, ing vision a ikit yu kabang matudtud kayu.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Daniel 7:18

At tanggap lang upayang ari ding banal ning Kakataskatasan a Dios at manatili iti karela king kapilan pa man.

Daniel 7:27

Miyabie ya karing banal na ning Kakataskatasan a Dios ing upaya at ing degulan da ring kayarian king yatu. E mapupus ing karelang kayupayan at ding mamuntukan ning yatu suyuan da la at pamintuan.

Hosea 14:2

Mibalik na kayu at sabian ye king Ginu iting panalangin: Patawaran mu sana ing sabla ming kasalanan; tanggapan mu sana ing panalangin mi at samban da ka antimo ing pengaku mi.

Levitico 10:3

Nganang migsalitang Moises kang Aaron, Oyan ing amanuan na ning Ginu kanitang sinabi nang Sukat dang kilalanan ding sablang lalapit kanaku king banal ku, at ihayag ku ing kamalan ku arapan da ring tau. Oneng menatili yang e bubulad i Aaron.

Levitico 22:23

Malyari yang iyampang bilang ain a kusang lub ing toro o tupa a gutut o e timbang a katawan, oneng ing anti kaniti e ya karapatdapat bilang ain a pamanupad king metung a panata.

Habakuk 2:14

Nung makananu lang mitmung danum ding dagat makanyan ya namang kumatmu ing yatu king beluan tungkul king ligaya na ning Ginu.

Mateo 10:32

Ninuman ing sumabi king arapan da ring tau king ya kanaku ya, makanyan munaman ing daptan ku para keya king arap nang Ibpa ku karin banua.

Mateo 3:2

Nganang menaral: Sumisi kayu at painggulut karing kasalanan yu, uling malapit ne ing Kayarian ning Banua.

Mateo 5:16

Makanyan ya namang sukat sunlag king arapan da ring tau ing sulu yu ban akit da ing dapat yung mayap, at paligayan de ing Ibpa yung atyu banua.

Lucas 11:1

Misan, manalangin ya i Jesus king metung a lugal. Inyang mayari ne, ngana ning metung a alagad, Ginu, ituru yu kaming manalangin antimo ing depatan nang Juan karing alagad na.

Roma 1:7

Kekayu ngan sablang atyu Roma, kekayung pakamalan na ning Dios at inaus nang maging sarili nang balen: Ibie na sa kekayu ning Dios a Ibpa tamu at ning Ginung Jesu-Cristo ing grasya at kapayapan.

Roma 8:15

Uling ing Espiritu a binie na ning Dios kekayu e na kayu papalyarian ipus ba kayung pasibayung mangatmung takut; nune papalyarian na kayung maging anak na ning Dios. Potang ausan ta ya ing Dios: Tatang, Tatang ko!

1 Corinto 1:3

Mananu na sanang ibie na kekayu ning Dios a kekatamung Ibpa at ing Ginu tamung Jesu-Cristo ing grasya at kapayapan.

2 Corinto 1:2

Mananu na sanang ing Dios a Ibpa tamu at ing Ginu tamung Jesu-Cristo ibie na kekayu ing grasya at kapayapan.

Galacia 1:4

Ban iligtas na katamu king e mayap a mag-ari king kasalukuyan a panaun, inain nang Cristo ing sarili na alang-alang karing kekatamung kasalanan bilang kapamintuan king kaburian na ning kekatamung Dios at Ibpa.

Efeso 1:2

Miyabie sana kekayu ing grasya at kapayapan a ibat king Dios a kekatamung Ibpa at king Ginung Jesu-Cristo.

Filipos 1:2

Ing grasya at kapayapan ibie na sa kekayu ning Dios a Ibpa tamu at ning Ginu tamung Jesu-Cristo.

Filipos 4:20

King kekatamung Dios at Ibpa miyabie ing ligaya angga king alang angga! Amen.

Colosas 1:2

Miparala ya karing pinili na ning Dios karin Colosas, ding tapat ming kapatad kang Cristo. Dinan na kayu sanang grasya at kapayapan ning Dios a Ibpa tamu.

1 Tesalonica 1:1

Ibat ya iting sulat kari Pablo, Silvano, at Timoteo. Miparala ya karing miembru na ning iglesia karin Tesalonica, ding pinili na ning Dios Ibpa at ning Ginung Jesu-Cristo. Mananu na sanang ing grasya at kapayapan miyabie kekayu.

1 Tesalonica 1:3

Gaganakan ming alang patugut king arapan na ning kekatamung Dios at Ibpa ing kekayung mayap a dapat a bunga na ning kekayung pamanialpantaya, ing kekayung kapagalan king agkat na ning lugud, at ing manatili yung kapanayan king Ginung Jesu-Cristo.

2 Tesalonica 2:16

Mananu na sanang paligayan na katamu ning Ginu tamung Jesu-Cristo at ning kekatamung Dios a Ibpa a malugud kekatamu, at king kapamilatan na ning grasya na dinan na katamung alang anggang sikanan lub at mayap a kapanayan.

Kapahayagan 11:15

Inyang tiniupan ne ning kapitung anghel ing trumpeta na, ating masikan a siwalang menibat banua. Ngana, Ing pamag-ari king yatu milipat na king kekatamung Ginu at king Cristo na. Mag-ari yang alang kapupusan!

Kapahayagan 15:4

Ninu ing e tumakut keka, O Ginu? Ninu ing e munie kapurian king kekang lagyu? Uling ika mung bukud ing banal! Lumapit la at samba keka ding sablang bansa, uling ikit da la ring matulid mung dapat.

Kapahayagan 19:6

Kaybat, dimdam ku ing mikakametung dang kulisak ding dakal a tau; anti ya waring inge na ning danum a darabulbul a agus at kalugkug ning mangatning duldul. Ngara, Purian ya ing Ginu! Uling mag-ari ya ing Dios a Mayupayang tutu!

Kapahayagan 20:4

Menakit ku namang dakal a tronu. At mirinan lang kapaintulutan matul ding makalukluk karing tronu. Ikit ku la ding kaladua da ring pete ra uli na ning pamagpatutu ra kang Jesus at karing amanu na ning Dios. E la sinamba deti king animal a mabagsik o king larawan na ni tinanggap king tatak na karing karelang kanuan o gamat. Mebie lang pasibayu ban mag-aring kayabe nang Cristo kilub ding libung banua.