Lucas 11:15 - Ing Mayap a Balita Biblia

¹⁵ Oneng ating mapilan karela a sinabi, I Beelzebul, ing pekapun da ring demonyu, ya ing minie upaya keya ban palual karing demonyu.

Lucas 11:15 Iomraidhean Croise

Mateo 10:25

Inya makagyu ne king magaral ketang maging kalupa ne ning talaturu na, at maging kalupa ne ning ipus ing panginuan na. Nung ausan deng Beelzebul ing buntuk ning pamilya, lalung marok ing iyaus da karing miembru ning pamilya na!

Mateo 12:22

Kanita linapit de kang Jesus ding mapilan a tau ing metung a lalaking mebulag at mepipi uli na ning alipnan ne ning demonyu. Pepakayap neng Jesus ing tau inya mekapagsalita ya at menakit.

Mateo 4:24

Mikalat ing balita tungkul kang Jesus angga king mabilug nang bansa ning Siria, inya ding tau dela ra la kang Jesus ding sablang masakit at ating miyayaliwang kaligaligan: ding ating demonyu, ding sosoning, at ding paralitiko. Pepakayap na la ngan.

Mateo 9:34

Oneng ngara ding Pariseo, Ing pamuntuk da ring demonyu ya ing babie upaya kang Jesus inya apapalualan na la ding demonyu.

Juan 10:20

Dakal la karela ding sinabi, Alipnan ne ning demonyu! Sira ya buntuk! Baket pakiramdaman ye?

Juan 7:20

Mekibat la ding tau, Alipnan na ka pin ning demonyu! Ninu wari ing bisang makamate keka?

Juan 8:48

Ngara ding Judio kang Jesus, E ke wari tinud king sinabi ming Samaritano ka at alipnan na ning demonyu?

Juan 8:52

Ngara ding Judio, Ngeni, siguradu na kami king alipnan na ka pin ning demonyu! Mete ya i Abraham, antimu rin ding propeta; makanyan man sasabian mu, Ing tutupad king tuturu ku e na takman kapilan man ing kamatayan.