Lucas 11:1 - Ing Mayap a Balita Biblia

¹ Misan, manalangin ya i Jesus king metung a lugal. Inyang mayari ne, ngana ning metung a alagad, Ginu, ituru yu kaming manalangin antimo ing depatan nang Juan karing alagad na.

Lucas 11:1 Iomraidhean Croise

Ding Dalit 10:17

O Ginu, ing panalangin ding taung mababa lub keka sanang pakiramdaman; pusu ra keka la sanang dinan sikanan.

Ding Dalit 19:14

Ding amanung lulual karing labi ku at ing pamibulebule ning kakung pusu, maging katanggap-tanggap la sa arapan mu, O Ginu a peka batu kung matibe at kakung talapagligtas!

Lucas 10:42

oneng metung mu ing tune kailangan. Tinud yang memili i Maria at iti e milako keya.

Lucas 11:2

Nganang Jesus, Sabian yu ing anti kaniti neng manalangin kayu: Ibpa, samban ya sa ing lagyu mu; datang ne sa ing Kayarian mu.

Lucas 6:12

King panaun a ita, minukiat ya i Jesus king metung a bunduk-bundukan ban manalangin. Karin ya menatiling kabukas manalangin.

Lucas 7:13

Panakit na ning Ginu king babaing mebalu, melunus ya keya. Inya sinabi na king babai, E ka tatangis.

Lucas 7:19

at tinubud na la king Ginu ba rang ikutang, Ika ing sasabian nang datang Juan o manaya ke pang aliwa?

Lucas 9:18

Misan, kabang manalangin yang dili-dili i Jesus, lepitan de ring alagad. Ninu aku agpang king sasabian da ring dakal a tau? nganang kinutang Jesus karela.

Lucas 9:28

Kalabas da ring walung aldo kaybat na lang sinabi deting bage, tiki na lang minukiat Jesus di Pedro, Juan at Santiago king bunduk-bundukan ban manalangin.

Hebreo 5:7

King kekaban na ning bie na king yatu, miyain yang panalangin i Jesus at menigapu yang masikan at menangis arap ning Dios a makapagligtas king kamatayan na. Uli na ning migpakumbaba ya at memintu, pekiramdaman ne ning Dios.

Judas 1:20

Oneng ikayu, patibayan yu ing kekayung sarili king banal yung kasalpantayanan. Manalangin kayu king upaya na ning Banal a Espiritu;