Lucas 10:9 - Ing Mayap a Balita Biblia

⁹ Pakayapan yu la ding masakit karin at sabian yu karela, Ing Kayarian ning Dios malapit ne kekayu.

Lucas 10:9 Iomraidhean Croise

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Mateo 3:2

Nganang menaral: Sumisi kayu at painggulut karing kasalanan yu, uling malapit ne ing Kayarian ning Banua.

Mateo 4:17

Manibat na kanita megumpisa yang menaral i Jesus. Ngana: Sumisi kayu at painggulut karing kasalanan yu uling malapit ne ing Kayarian ning Banua!

Marcos 4:30

Kaisanu ya pa malyaring pakilupa ing Kayarian ning Dios? ngana pang kinutang Jesus. Nanung talimhaga ing gamitan tamu ba ta yang ailarawan?

Marcos 6:13

Pepalualan da la ring dakal a demonyu at kiskusan da lang laru at pepakayap ding dakal a taung ating sakit.

Lucas 10:10

Nung munta kayu king isanu mang balen at e ra kayu tanggapan, lual kayu karing dalan at sabian yu,

Lucas 10:11

Agyang ing alikabuk ning balen yu a mipakat karing bitis mi ipagpag ming antimong tutul kekayu; oneng tandanan yu iti, ing Kayarian ning Dios malapit ne kekayu!

Lucas 9:2

Tiburan na la namang manaral tungkul king Kayarian ning Dios at pakayap karing masakit.

Juan 3:3

Mekibat ya i Jesus, Ing katutuan sasabian ku keka: subali mu nung mibait yang pasibayu ing tau e ne akit ing Kayarian ning Dios.

Juan 3:5

Mekibat ya i Jesus, Ing katutuan sasabian ku keka: subali mu nung mibait ya king danum at king Espiritu ing tau e ya makalub king Kayarian ning Dios.

Ding Dapat 28:28

Nganang Pablo, Sukat yung abalu king ing amanu na ning Dios tungkul king kaligtasan mipayabut na karing paganu at pakiramdaman da! [

Ding Dapat 28:31

Hayagan at alang takut yang menaral tungkul king Kayarian ning Dios at tinuru ya tungkul king Ginung Jesu-Cristo.