Lucas 10:39 - Ing Mayap a Balita Biblia

³⁹ Atin yang kapatad a milagyuan Maria. Linukluk ya iti king arap na ning Ginu at mekiramdam ya king tuturu na.

Lucas 10:39 Iomraidhean Croise

2 Ari 4:38

Maragul ing danup king sakup ning Gilgal inyang mibalik ya karin i Eliseo. Kabang makalukluk yang kayabe da ring grupu da ring propeta, sinabi na king kasaup na, Isiang me ing maragul a kuran at maglutu kang apangan da ring propeta.

Ding Kasebian 8:34

Tumula ya ing taung kaku makiramdam, itang aldo-aldo manaya karing kakung pasbul dalan; itang manatiling king pasbul mibuklatanan.

Lucas 10:42

oneng metung mu ing tune kailangan. Tinud yang memili i Maria at iti e milako keya.

Lucas 2:46

King katlung aldo, ikit de kilub ning Templo; makalukluk yang kayabe da ring Judio a talaturu, makiramdam ya at mangutang karela.

Lucas 8:35

Linual la ding tau ban lawan da ing milyari. Disnan de i Jesus at ikit de ing lalaking pilualan da ring demonyu. Makalukluk ya iting lalaki arap nang Jesus, makaimalan ne at masalese ne pamisip at mitakutan la naman.

Juan 11:1

Ating metung a taung masakit; Lazaro ing lagyu na. Tau ya Betania, ing balen nang Maria at ning kapatad nang i Marta. (

Juan 11:19

At dakal lang Judio ding dinalo kari Marta at Maria ba da lang damayan uli na ning pangamate na ning kapatad da.

Juan 12:3

I Maria naman kinangwa yang kapitnang litrung mal a pabanglung purung nardo. Kiskusan ne bitis i Jesus at pinulis na la deti king buak na. Sinalingalngal ing banglu king kabilugan a bale.

Ding Dapat 22:3

Metung kung Judio, mibait ku king Tarso, Cilicia, oneng meragul ku keti Jerusalem at meging estudiante na kung Gamaliel. Dinalan ku king maigpit a pamagsane king Kautusan da ring kekatamung makatua at meging tapat ku king Dios antimo nung makananu kayung tapat ikayung atyu ngeni keti.

Deuteronomio 33:3

Wa, kaluguran na la ding taung pinili na, at bibendisyunan detang tapat; makatipun la king arapan na, kautusan na makasadia da lang tuparan.