Lucas 10:27 - Ing Mayap a Balita Biblia

²⁷ Mekibat ya, Sukat meng luguran ing Ginung kekang Dios king mabilug mung pusu, at king mabilug mung kaladua, at king mabilug mung sikanan, at king mabilug mung kaisipan, at Sukat meng luguran ing kalupa mung tau antimo ing kekang sarili.

Lucas 10:27 Iomraidhean Croise

Levitico 19:18

E kayu mamablas kaninu man ni tatanam samang lub. Luguran ye ing kalupa yung tau antimo ing pamaglugud yu king sarili yu. Aku ing Ginu.

Mateo 19:19

igalang me i tata mu at i ima mu; at luguran me ing kalupa mung tau antimo ing sarili mu.

Lucas 10:26

Pekibat nang Jesus, Nanu wari ing makasulat king Kautusan? Nanu ing aintindian mu kareti?

Roma 13:9

Ding kautusan, E ka makipangalugud, e ka makamate, e ka manako, e ka manangkamin, deti ngan at ding aliwa pa, mumuli la ngan king metung mung kautusan: Luguran me ing kalupa mung tau antimo ing sarili mu.

Galacia 5:13

Kapatad ku, antimo ing balu yu na, king kalayaan karin kayu meyaus. Oneng e yu gagawan sangkan iting kalayaan ban pasakup kayu karing agkat na ning laman. Nune, pakikuanan yung ing lugud ya ing mutus kekayu king pamisusuyuanan yu.

Deuteronomio 10:12

Memalen ning Israel, nanu ing aduan na ning Ginung kekayung Dios? Ya iti: ing mika takut kayu at kagalangan, at pamintuan la ding utus na, luguran ya, at suyuan king mabilug yung pusu at kaladua.

Deuteronomio 30:6

Ibie ne kekayu at karing maging lahi yu ing pusung mapamintu ban luguran ye king mabilug yung pusu at kaladua at kumaba kayu bie.

Deuteronomio 6:4

Makiramdam kayu, O memalen ning Israel. Ing Ginung kekatamung Dios ya ing bukud Ginu.

Deuteronomio 6:5

Luguran ye ing Ginung kekayung Dios king mabilug yung pusu, king mabilug yung kaladua, at king mabilug yung sikanan.

Hebreo 8:10

Iti, ngeni, ya ing kasunduan a itatag ku karing memalen ning Israel king daratang a panaun, ngana ning Ginu: Ibili ku la ding kakung kautusan king kaisipan da, at idukit ku la karing pusu ra. Aku ing maging Dios da, at ila naman maging balen ku la.

Santiago 2:8

Masanting kayu daraptan, nung tutuparan ye ing kautusan a binie na ning Dios a sasabian ning Kasulatan, Luguran me ing kalupa mung tau antimo ing sarili mu.

1 Juan 3:18

Anak ku, e tamu sana lulugud king kapamilatan na mu ning amanu o salita. Ipakit tamu ing lugud king kapamilatan na ning dapat.