Lucas 10:21 - Ing Mayap a Balita Biblia

²¹ King oras mu ring ita kitmuan ya i Jesus king tula uli na ning Banal a Espiritu at sinabi na, Ibpa, Ginu na ning banua at yatu! Pasalamatan da ka uling pepabalu mu la karing e megaral ding bage a selikut mu karing biasa at megaral. Wa, Ibpa, iti depat mu uli na ning tula mu at kaburian.

Lucas 10:21 Iomraidhean Croise

Ding Dalit 24:1

Ing sabla bandi ning Ginu, at ing sablang atyu king yatu. Bandi ne ing mabilug a yatu, at ding sablang keti manuknangan.

Ding Dalit 25:14

Kakaluguran na la ning Ginu ding mamintu karing utus na, at karela pabalu nang kasunduan na.

Ding Dalit 8:2

anak at bingut kakanta ra. Matibe kuta keka yang telakad ban kalaban keka lang patahimikan.

Isaias 29:14

Inya gawa kung bage pagmumulalan king arapan da, pagmumulalan at makapaniglo. Mawala ing kabiasnan da ring mangabiasa at mawalang kabaldugan ing pamanyuri da ring biasang sumuri.

Isaias 35:8

Mika malualas a dalan karin a mayaus Ing Dalan ning Kabanalan. E makadalan karin ing ninumang makasalanan ni makapaglinlang ding mangmang karing daralan.

Isaias 53:11

Kaybat ning bie nang mitmung kasakitan, pasibayu yang mika kaligayan; abalu na king e mewalang kabaldugan ing keyang kasakitan. Ing tapat kung talasuyu a tutu kung pitutulan tanggapan na ing parusang mangaintulid karing dakal, at alang-alang keting talasuyu patawaran ku la.

Isaias 62:5

Mangari ya king lalaking makiasawa king babaing kakasal na, itang miyubug keka pakasalan na ka. Nung makananung ing lalaking bayung kasal mayayama ya king ayasawa na, ing kekang Dios makanyan yang mipamatulan keka.

Isaias 66:1

Ngana ning Ginu, Ing banua ya ing kanakung tronu at ing yatu ya ing talpakan ding bitis ku. Uli na niti, nanung klasing bale ing italakad yu para kanaku? Nanu yang uring lugal ing panuknanganan ku?

Zepania 3:17

Ing Ginung kekang Dios atyu keka; dinan na kang tagumpe uli ning upaya na. Manakit yang tula keka ing Ginu, at king lugud na ibayu na ing bie mu. Magkanta ya at tumula keka,

Mateo 16:17

Nganang Jesus, Simon, anak nang Juan, mapalad ka! Uling ing sinabi mu e menibatan king tau, nune kang Ibpa kung atyu banua; ya mismu ing pepabalu kaniti keka.

Mateo 21:16

Inya ngara kang Jesus, E mu daramdaman ing sasabian da? Pekibat nang Jesus karela, Daramdaman ku. E ye pa wari abasa iting Kasulatan a sasabing: Karing asbuk da ring anak at bingut pepayagkas mu ing ganap a kapurian?

Mateo 3:7

Oneng panakit na karing dakal a Pariseo at Saduseo a daratang ban pabinyag, ngana karela, Ikong lahing ubingan, ninu ing minutus kekayu ban takasan yu ing daratang a kaparusan?

Marcos 10:15

Tandanan yu: ing ninumang e tanggap king Kayarian ning Dios kalupa na ning pamananggap na ning anak a malati, e ya milub karin.

Lucas 15:5

At nung akit na ne, masaya neng pusanan karing pago na

Lucas 15:9

Nung akit na ne iti, kumbiran na la ding kakaluguran na at kasiping bale. Sabian na karela, Matula kung tutu uling ikit ke ing mewala kung salaping pilak! Munta kayu keni; magsaya tamu!

Juan 11:41

Inya leko re ing batu. Tinalanga ya banua i Jesus at ngana, Ibpa, pasalamat ku king pakiramdaman mu ku.

2 Corinto 4:3

At nung atin ya pang kalabugan ing Mayap a Balita a pisiag mi, iti maging malabug mu para karing makasalanan.

Efeso 1:11

At uli nang Cristo, meging balen na kami ning Dios a darapat karing sablang bage agpang king parasan na inyang pinili na kami keta pang minunang panaun.

Efeso 1:5

telaga na na ing maging anak na katamu king kapamilatan nang Jesu-Cristo. Iti ya ing parasan na at kaburian.