Lucas 10:18 - Ing Mayap a Balita Biblia

¹⁸ Nganang Jesus karela, Ikit ke i Satanas a antimong kildap a menakbag ibat banua.

Lucas 10:18 Iomraidhean Croise

Isaias 14:12

Ari na ning Babilonia, masalang tala ning abak, misaldak kang ibat king banua! Kanitang milabas sekupan mu la ding dakal a bansa, oneng ngeni makapase ka king gabun.

Mateo 4:10

Pekibat nang Jesus, Mabating ka, Satanas! Uling ing kasulatan sasabian na, Samban me ing Ginung kekang Dios at ya mung bukud ing kekang suyuan.

Juan 12:31

Panaun na ban atulan ya ing yatung iti. Mitabi ne ngeni ing pamuntuk na niting yatu.

Juan 16:11

At tungkul king kayatulan na ning Dios: uling miyatulan ne ing pamuntuk na ning yatung iti.

Hebreo 2:14

Anti na ning ding sablang anak, antimo ing aus na karela, tau lang ating laman at daya, i Jesus mismu mekilupa ya karela at mekisanmetung ya king karelang pangatau. Depat na iti ban king kapamilatan na ning kamatayan na akua neng paten ing diablo a makikayupayan king kamatayan.

1 Juan 3:8

Kakampi ne ning diablo ing ninumang darapat kasalanan. Uling manibat na king minuna darapat neng kasalanan ing diablo. Uli na niti, dinatang ya ing Anak ning Dios ban siran na ing dapat na ning diablo.

Kapahayagan 20:2

Dekap ne ing dragon, itang ubingan king minunang panaun, ing diablo o Satanas. Ginapus ne iti kilub da ring libung banua.

Kapahayagan 9:1

Inyang tiniupan ne ning kalimang anghel ing trumpeta na, ikit keng menabu king gabun ing metung a batuin a ibat banua. Miyabie ya kaniting batuin ing susi na ning malalam a bangin.