Lucas 10:11 - Ing Mayap a Balita Biblia

¹¹ Agyang ing alikabuk ning balen yu a mipakat karing bitis mi ipagpag ming antimong tutul kekayu; oneng tandanan yu iti, ing Kayarian ning Dios malapit ne kekayu!

Lucas 10:11 Iomraidhean Croise

Ezekiel 2:5

Pakiramdaman da ka man o ali deting mag-rebeldi, abalu ra king ing metung a propeta atyu ya libutad da.

Mateo 10:14

At nung ating bale o balen a e tanggap kekayu o e bisang makiramdam kekayu, lakuan ye ing lugal a ita at ipagpag yu ing alikabuk karing bitis yu.

Mateo 10:7

King paglakad yu, ipanaral yu king ing Kayarian ning Banua malapit ne!

Mateo 3:2

Nganang menaral: Sumisi kayu at painggulut karing kasalanan yu, uling malapit ne ing Kayarian ning Banua.

Marcos 6:11

Nung e ra kayu buring tanggapan king metung a lugal o pakiramdaman, mako kayu karin at ipagpag yu ing alikabuk karing bitis yu bilang tutul karela!

Lucas 10:10

Nung munta kayu king isanu mang balen at e ra kayu tanggapan, lual kayu karing dalan at sabian yu,

Lucas 10:9

Pakayapan yu la ding masakit karin at sabian yu karela, Ing Kayarian ning Dios malapit ne kekayu.

Lucas 9:5

Nung sakaling e ra kayu tanggapan, lakuan ye ing balen a ita at ipagpag yu ing alikabuk karing bitis yu bilang tutul karela.

Ding Dapat 13:26

Kapatad ku, lahi nang Abraham, at ikayung sablang paganu keti a ating takut king Dios: kekatamu miparala iting balita na ning kaligtasan!

Ding Dapat 13:40

Uli na niti, mingat kayu ban iting sinabi da ring propeta e mapalyari kekayu:

Ding Dapat 13:46

Oneng lalu lang mesikan a lub migsalita di Pablo at Bernabe. Ngara, Kailangan ing mumuna ming ipanaral kekayu ing amanu na ning Dios. Oneng anti ning tinggian yu at e yu bibilang mangaintulid king bie alang angga ing kekayung sarili, inya akit yu, lakuan da kayu at karing paganu ke munta.

Ding Dapat 13:51

Inya pigpag da ri Pablo at Bernabe ing alikabuk karing bitis da bilang tutul karela, at saka na la sinulung papunta Iconio.

Roma 10:21

Oneng tungkul king Israel nganang sasabi, Patingapun kung mamaus king metung a balen a mapaglaban at e mapamintu kanaku!

Roma 10:8

Ing sasabian na anti kaniti: Malapit kekayu ing amanu na ning Dios, atyu karing labi yu at karing kekayung pusu, ngaku wari, ing kasalpantayanan a ipanaral mi kekayu.

Hebreo 1:3

Ya ing maslag nang sala ning ligaya na ning Dios uling ganap neng kawangis king kadiosan na; ya ing magmantini king meto sikluban king kapamilatan na ning mayupaya nang amanu. Ngening alinis na na la ding tau king dinat na ning karelang kasalanan, linukluk ya king banda nang wanan ning Dios a Mayupayang tutu karin banua.