Lucas 1:80 - Ing Mayap a Balita Biblia

⁸⁰ At dinagul ya ing anak at sinulung ya pamikakatawan at espiritu. Menuknangan ya king disyerto angga king panaun a linual ya ban pakilala ya king Israel.

Lucas 1:80 Iomraidhean Croise

Mateo 11:7

Kalako da ring alagad nang Juan, migsalita ya i Jesus karing tau tungkul kang Juan. Ngana, Kanitang minta kayu kang Juan king disyerto, nanu ing panenayan yung akit? Ing metung a timbung babayutuk na ning angin?

Mateo 3:1

King panaun a ita, linual ya at menaral i Juan a Maminyag king disyerto karin Judea.

Lucas 1:15

uling maging marangal ya king panimanman na ning Ginu! E ya minum alak o nanumang inuman a makalasing. At mikatmuan ya king Banal a Espiritu manibat king pangabait na.

Lucas 2:40

At meragul ya ing anak at meging masikan ya. Mebiasa ya at ing grasya na ning Dios atyu kang Jesus.

Lucas 2:52

At dinagul ya i Jesus king masanting a pamikakatawan ampon king kabiasnan at katanggap-tanggap ya king Dios at karing tau.

Juan 1:31

E ku balu kanita nung ninu ya, agyamang dinatang kung maminyag king kapamilatan ning danum ban mipakilala ya king Israel.

Ding Dapat 18:28

Uling king masanting nang pamagmatulid simbut na la ding Judio king pamiargu arap ning publiku; pepatunayan na karela king kapamilatan da ring Kasulatan king i Jesus ya ing Cristo.

1 Samuel 2:21

Melunus ya ing Ginu kang Ana at mebuktut ya, at mikayanak ya pang atlung lalaki at aduang babai. Ing anak a Samuel naman meragul yang susuyu king Ginu.