Lucas 1:8 - Ing Mayap a Balita Biblia

⁸ Misan a aldo, ing grupu nang Zacarias ya ing makatutuk mangasiwa king Templo.

Lucas 1:8 Iomraidhean Croise

1 Cronica 24:19

Ila deti ring lalaking mitulduan sumuyu king Bale ning Ginu agpang karing tuntunan a tikda na ning makatua dang i Aaron a makabasi king utus ning Ginu, ing Dios ning Israel.

1 Cronica 24:2

Mete la di Nadab at Abihu bayu ya mete i tata ra, at ala lang anak. Inya i Eleazar at i Itamar ilang sinuyu bilang pari.

2 Cronica 11:14

Likuan da la ring karelang pastulan at pibandian ban manuknangan king Juda at king Jerusalem, uling leko nang Aring Jeroboam at ding kayalili na ing sumuyu la king Ginu bilang pari.

2 Cronica 31:19

Karing paring manuknangan karing siudad o karing pipagpastulan a sakup da ring siudad a makatalaga karing lahi nang Aaron, ating lalaking mepili a magrasyun pamangan karing sablang lalaking makaugne king pamilya da ring pari at karing listahan da ring pamilya da ring Levita.

2 Cronica 31:2

Pasibayu neng telakad Aring Hezekia ing katipunan da ring pari at Levita ban agampanan da ing karelang sarasariling katungkulan. Atin karelang minie ain-a-durulukan, ating minie ain-a-kapasalamatan at kapurian, at ating sasaup king kasuyuan pamanyamba. Ding aliwa naman talapagkanta lang kapurian karing miyayaliwa nang lugal king Templo ning Ginu.

2 Cronica 8:14

Sindu na ing kaayusan a pegumpisan nang David a tata na tungkul king kasuyuan da ring pari at ding Levita a sumaup karela king pamagkanta at king nanumang obra da aldo-aldo. Mibili ya namang grupu-grupung a guardia para karing pasbul dalan uling iti ing inutus nang David, ing talasuyu ning Dios.

Ezra 6:18

Inayus da lang paka-grupu ding pari at ding Levita tungkul king obrang gampanan da king Templo, agpang king makasulat king Kautusan nang Moises.

Exodo 28:1

Payaus me ing kapatad mung i Aaron at ding anak nang lalaki, i Nadab, Abihu, i Eleazar, at i Itamar. Ikalilua mu la karing memalen na ning Israel ban sumuyu la kanaku bilang pari.

Exodo 28:41

Ipasulud mu la deting imalan kang Aaron a kapatad mu at karing anak nang lalaki. Kaybat, ordinan mu la at italaga king kapamilatan na ning pamitugtug mung larung olibo karela ban kanita makasuyu la kanaku bilang pari.

Exodo 29:1

Oyni ngeni ing sukat mung daptan kang Aaron at karing anak nang lalaki ban aitalaga mu la bilang paring sumuyu kanaku. Kuma kang metung a baintaung toro ampon aduang lalaking tupa a alang kapansanan.

Exodo 29:44

Gawan keng banal ing Toldang tuknangan ku ampon ing altar, at ibukud ke i Aaron at ding anak nang lalaki ban sumuyu la kanaku bilang pari.

Exodo 29:9

babatan mu la karing paha at itali mu la ring turban king buntuk da. Makanyan meng ordinan pari i Aaron at ding anak nang lalaki. Ila at ding maging lahi ra ilang sumuyu kanaku bilang pari king kapilan pa man.

Exodo 30:30

Kaybat lanian mia naman kaniti i Aaron at ding anak nang lalaki, at italaga mu la bilang pari a sumuyu kanaku.

Ding Bilang 18:7

Bukud mung ika at ding anak mu ing ganap king katungkulan pari, itang ating kaugnayan king altar at king nanumang atyu king Kabanal-banalan a Lugal. Ila deti ring pakibatan mu, uling binie ku keka bilang regalu ing panga-pari. Paten ya ing ninumang e karapatdapat lalapit king altar.

Lucas 1:5

Kanitang i Herodes ya ing ari na ning Judea, ating metung a pari a milagyuan Zacarias. Miembru ya king grupu da ring pari nang Abiya. Elizabeth ya lagyu ing asawa na at iti ibat ya king lahi nang Aaron a pari.

Lucas 1:7

Oneng e la mikayanak uling baug ya i Elizabeth at matua na lang parehu.