Lucas 1:79 - Ing Mayap a Balita Biblia

⁷⁹ at ibat banua sunlag ya karing atyu king karalumduman, at karing atyu king lilung ning kamatayan ban ituntun na katamu king dalan ning kapayapan.

Lucas 1:79 Iomraidhean Croise

Job 10:22

Ing sakup a ing sala na dalumdum, pawang karalumduman at kaguluan; ing sala na karalumduman.

Job 3:5

Paburen bandian ne ning lungkut at ning dalumdum; paburen ding biga karin la magdatun; paburen ing karalumduman takpan ne ing aldo.

Ding Dalit 107:10

King dalumdum at lungkut la migdatun ding aliwa, king kasakitan bihag la at makatanikala.

Ding Dalit 107:14

Leko na la king dalumdum at lungkut, at ding kekang tanikalang bakal pitlud na la ngan.

Ding Dalit 23:4

Agyang king libis a mapanganib karin ku dumalan, e ku numanu balang, uling ika ing kakung kayabe. Ing pamarug mu't tukud ilang kaku babie sikanan lub.

Ding Dalit 25:12

Ing ninuman king Ginu tatakut at gagalang, abalu re ing dalan a sukat dang dalanan.

Ding Dalit 44:19

Makanyan man likuan mu kami, at pepaburen karing mabagsik a animal libutad ning makapal a karalumduman.

Ding Kasebian 3:17

Babie ning kabiasnan ing kaligayan at ituntun na ka king dalan ning kapayapan.

Ding Kasebian 8:20

Lalakad ku king dalan ning kabanalan; kaku lang tutukian ding tuntunan ning katuliran.

Isaias 42:16

Ding bulag kung memalen kaku lang tairan karing dalan a e ra pa bitasang delanan. Alilan kung sala ing karelang karalumduman, at ding lugal a e patag kaku lang patagan. Deting bage siguradu ku na lang daptan.

Isaias 42:7

Ding mata da ring bulag keka lang ibuklat, at ibulus ding atyu pakalukluk karing sukulan a madalumdum.

Isaias 48:17

Ing banal a Dios ning Israel, ing Ginu a talapagligtas mu, sasabian na: Aku ing Ginung kekang Dios, ing bisang turu keka para king ikakayap mu, at mituturu keka king dalan a sukat mung tuntunan.

Isaias 48:22

Alang kapayapan para karing makasalanan, ngana ning Ginu.

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Isaias 49:9

Sabian ku karing makasukul, Mako na kayu. Malaya na kayu! At sabian ku karetang atyu king karalumduman, Lumual na kayu keni king masala! Mangari la karing tupang manyibsiban karing bunduk-bundukan;

Isaias 59:8

at alang taung mipanatag a lub neng atyu kayu. Ala king katuliran ing sablang dapat yu. Baluktut ya ing dalan yu at ninumang tutuntun king dalan a yan ala yang kapanatagan.

Isaias 9:2

Menakit lang sulung maragul ding taung linakad king dalumdum. Menuknangan la king lugal a madalumdum, oneng ngeni ing sala saslag ya karela ngan.

Jeremias 2:6

E ra ku man aganaka agyamang linigtas ku la king Ehipto, at tinaid libutad ning disyerto: king bansang disyerto at kulkul, king malangi at makatakut a lugal a alang manuknangan at alang bisang dumalan.

Jeremias 6:16

Nganang sinabi ning Ginu karing taung pinili na, Talakad kayu karing salapungan da ring dalan at maglalawe kayu. Pangutang yu la ding matuang dalan at nung nu ya karin ing masanting diling dalan. Karin kayu dumalan at mie kayu king kapayapan. Oneng sinabi ra, E ke bisa!

Mateo 4:16

Ding taung manuknangan king kadalumduman menakit lang maragul a sala! Karing manuknangan king anino ning kamatayan karela sunlag ya ing sulu!

Lucas 2:32

Metung a sala a pakilala king kekang dalan karing paganu, at munie dangalan king Israel a kekang balen.

Juan 1:9

Iti ya ing tune sala a daratang king yatu ban munie sala karing sablang tau.

Juan 12:46

Dinatang ku keti king yatu antimong sala ban ding sablang maniwala kanaku e na la manatili king dalumdum.

Juan 8:12

Pasibayu yang migsalita i Jesus karing Pariseo. Ngana, Aku ing sulu na ning yatu. E ya lumakad king dalumdum ing tutuki kanaku, nune mika sulu yang babie bie.

Juan 9:5

Kabang atyu ku king yatu, aku ing sulu ning yatu.

Ding Dapat 10:36

Balu yu king pepabalu na ning Dios ing amanu na karing memalen na ning Israel, at mipasiag karela ing Mayap a Balita na ning kapayapan king kapamilatan nang Jesu-Cristo a Ginu da ring sablang tau.

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

Roma 3:17

Lubus na lang milisia king dalan ning kapayapan,

Efeso 5:8

King panaun a milabas atyu kayu king karalumduman, oneng ngeni atyu kayu king sala uling atyu kayu king Ginu. Mibiebie kayu antimo ing karapatdapat dang daptan ding taung atyu king sala.