Lucas 1:77 - Ing Mayap a Balita Biblia

⁷⁷ at ituru me king balen na ing dalan ning kaligtasan, ing pangapatawad ding karelang kasalanan.

Lucas 1:77 Iomraidhean Croise

Jeremias 31:34

Ala na metung man kanita ing ituru ne ing kabalen na ban pakibaluan ne ing Ginu uling ding sabla abalu ra ku, manibat king malating dili at angga na king maragul dili. Patawaran ku ing karelang kasalanan at kalinguan ku ing karelang kasalanan. Aku, ing Ginu, ing migsalita.

Lucas 3:3

Inya linual ya i Juan at linibut king mabilug a sasakupan ning Ilug ning Jordan. At panaral na, Sisian yu la at painggulutan ding kekayung kasalanan at pabinyag kayu ban ing Dios patawaran na kayu.

Lucas 3:6

Ding sablang tau akit da ing pamagligtas na ning Dios!

Juan 1:29

Kabukasan, ikit neng Juan i Jesus at lalapit ya keya. Nganang Juan, Oyan ing Kordero ning Dios a milalako king kasalanan ning yatu!

Juan 1:34

Ikit ku iti at patutuan ku king ya ing Anak ning Dios.

Ding Dapat 10:43

Migsalita la tungkul kang Jesus ding sablang propetaking ding sablang maniwala kang Jesus tanggapan da king kapamilatan na ning lagyu na ing kapatawaran da ring karelang kasalanan.

Ding Dapat 19:4

Nganang Pablo, Ing binyag nang Juan para kareta yang peinggulut karing karelang kasalanan; at sinabi na karing memalen ning Israel king sukat lang maniwala ketang daratang a katuki na, ing buri nang sabian, i Jesus.

Ding Dapat 2:38

Pekibat nang Pedro karela, Sumisi kayu at painggulut karing kekayung kasalanan, ing metung at metung kekayu, at pabinyag kayu king lagyu nang Jesu-Cristo ba lang mipatawaran ding kekayung kasalanan at tanggapan ye ing Banal a Espiritu, ing regalu ning Dios.

Ding Dapat 3:19

Inya ngeni sumisi kayu at magbalik lub king Dios ban mipatawaran ing kasalanan yu,

Ding Dapat 5:31

Tinas ne ning Dios king banda nang wanan ban maging Pamuntuk at Talapagligtas da ring tau ban kanita mika oportunidad lang makasisi ding Israelita at tanggap kapatawaran karing kasalanan da.

Roma 3:25

Telaga ne ning Dios bilang ain a kapamayaran ban king pamipatulu na king daya na mipatawaran la kasalanan ding tau king kapamilatan na ning pamanialpantaya ra keya. Depat na ning Dios iti ban ipakilala na ing kabanalan na. Kanitang minuna pibabata na la at e na la pinsinan ding kasalanan da ring tau;

Efeso 1:7

Inatbus na katamung Cristo king kapamilatan na ning kamatayan na. Uli na niti, mipatawaran ing kekatamung kasalanan! Kasagid na ning lugud a binie ning Dios kekatamu!