Lucas 1:72 - Ing Mayap a Balita Biblia

⁷² Pengaku na naman ing pakit yang lunus karing makatua tamu, at ganakan ne ing banal nang kasunduan.

Lucas 1:72 Iomraidhean Croise

Genesis 12:3

Bendisyunan ku la ding mamendisyun keka, oneng isumpa ku la ding maniumpa keka. At kapamilatan mu bendisyunan ku la ding sablang bansa.

Genesis 22:18

Mibendisyunan la karing lahi mu ding heganaganang bansa keti king yatu. Matupad iti uli na ning pemintuan mu ku.

Genesis 26:4

Parakalan ku la ding lahi mu; maging kasing dakal da la ding batuin king banua at ibie ku ngan karela ing gabun a iti. Aduan da ring bansa ing bendisyunan ku la nung makananu ku lang binendisyunan ding lahi mu.

Genesis 28:14

Maging kasing dakal da la ning alikabuk ning yatu ding lahi mu at kalatanan de ing albugan, ing aslagan, ing norti, at ing mauli. Atagpuan da ring sablang bansa keti king yatu ing bendisyun keka at karing lahi mu.

1 Cronica 16:16

Ing kasunduan a gewa na kang Abraham, ing pangaku na kang Isaac, deti tuparan na la ngan.

Ding Dalit 105:42

Genaka na ing banal a amanu na, itang pangaku na kang Abraham a talasuyu na.

Ding Dalit 106:45

Alang-alang karela, genaka ne itang kasunduan da; uling tutu nong kaluguran, penupaya na la.

Ding Dalit 111:5

Dinan na lang pamangan ding ating takut king Ginu; e ne kakalinguan kapilan man itang pangaku na.

Ding Dalit 98:3

Ing pengaku na king balen ning Israel e na kelinguan; karela mitmu yang lugud at katapatan. Ing tagumpe ning Dios ikit ding sablang tau ning yatu.

Ezekiel 16:60

Oneng kilalanan ke ing kasunduan a gewa ku keka inyang kayanakan ka, at kayabe mu gawa kung kasunduan a manatili kapilan man.

Ezekiel 16:8

Inyang pasibayu kung linabas karin, apansingan ku king dinatang na ing oras a sukat na kang malsinta. Binalut ke king kanakung imalan ing lubas mung katawan at pengaku kung luguran da ka. Pekasalan da ka at meging kanaku ka. Ngana ning Ginung Dios.

Levitico 26:42

aku, ing Ginu, ganakan ke itang kasunduan a pikayari mi ri Jacob, Isaac, at Abraham. E kia naman kalinguan itang pengaku kung gabun para karela.

Mikeas 7:20

Ipakit mu ing katapatan mu at ing ala mung kupas a lugud karing kekang memalen, ding lahi nang Abraham at Jacob, antimo ing pengaku mu kanitang minunang panaun karing makatua mi.

Roma 11:28

Meging kalaban na la ning Dios ding Judio uling tatanggian de ing Mayap a Balita at maging kalaban na la alang-alang kekayung paganu; oneng bilang balen a pinili na, kaluguran na la pa mu rin ning Dios ding Judio alang-alang karing karelang makatua.

Roma 9:4

Ila ding taung pinili na ning Dios; inampun na la bilang sariling anak na at pepabalu na karela ing kaligayan na; tinatag na la ding kasunduan kayabe ra at binie ne karela ing Kautusan; atyu karela ing tune kapanyamban; tinggap da ing dakal nang pengaku ning Dios;