Lucas 1:70 - Ing Mayap a Balita Biblia

⁷⁰ Iti ya ing malambat na nang pengaku king kapamilatan ding banal nang propeta:

Lucas 1:70 Iomraidhean Croise

Genesis 12:3

Bendisyunan ku la ding mamendisyun keka, oneng isumpa ku la ding maniumpa keka. At kapamilatan mu bendisyunan ku la ding sablang bansa.

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

2 Samuel 23:2

Magsalita ya ing espiritu ning Ginu king kapamilatan ku; atyu ya king dila ku ing amanu na.

Jeremias 23:5

Ngana ning Ginu, Datang mu rin ing aldo nung kapilan mamili kung metung a ari a ibat king lahi nang David at maging ari yang kalupa na. Manibala yang mitmung kabiasnan at daptan na ing mayap at ing matulid king kabilugan a kayarian.

Jeremias 30:10

Taung kakung pinili, e kayu tatakut; memalen ning Israel, e kayu mangatakutan. Iligtas da kayu ibat king marayung bansa, king bansa nung nu kayu midalang bihag. Magbalik kayu king kekong bansa, at king kapayapan karin kayu manuknangan; mipanatag kayu bili at metung man ala nang mamatakut kekayu.

Marcos 12:36

I David mismu, king agkat ning Banal a Espiritu, sinabi na: Ing Ginu sinabi na king kakung Ginu, Lukluk ka banda kung wanan, anggang e ku la lubus apasukuan keka ding kalaban mu.

Lucas 24:44

Kaybat ngana karela, Ing amanuan ku kanitang kayabe yu ku pa ya pin iti: kailangan ing matupad ing sablang misulat tungkul kanaku king Kautusan nang Moises, karing libru da ring propeta, at karing Dalit.

Ding Dapat 28:25

Memaglako lang e mikakametung kaybat nang asabing Pablo iting katayang amanu, Tinud yang tinud migsalita ing Banal a Espiritu karing kekayung makatua king kapamilatan na ning propeta Isaias!

Roma 1:2

Ing Mayap a Balita ya ing malambat na nang pengaku ning Dios king kapamilatan da ring propeta, antimo ing masasabi karing Banal a Kasulatan.

Hebreo 3:7

Inya, antimo ing sasabian na ning Banal a Espiritu, Nung damdaman yu ngeni ing siwala ning Dios,

1 Pedro 1:12

Pepabalu na ning Dios kareting propeta king ing karelang obra e para king sarili dang kapakanan nune para kekayu. Pepakilala na iti inyang migsalita la tungkul karing katutuan a ngeni kekayu nang dimdam karing talapanaral na ning Mayap a Balita. Menaral la kekayu kapamilatan na ning Banal a Espiritung miyabie karela ibat banua. Ila naman ding sinabi kekayu karing mesabing katutuan, ding katutuan a mismung ding anghel buri dang apaki-intindian.

2 Pedro 1:21

uling e menibatan ing ula da ring propeta king kaburian na ning tau, nune menibat mismu king Dios at sinabi da ring taung pepakimutan na ning Banal a Espiritu.

2 Pedro 3:2

Buri ku king e yu kakalinguan ing sinabi da ring banal a propeta kanitang minuna, at ing kautusan a binie na ning Ginu at Talapagligtas king kapamilatan da ring apostol a tinubud na kekayu.

Kapahayagan 19:10

Migsakab ku king arap ban samban ke. Oneng sinabi na kanaku, E mu daraptan yan! Kalupa mu ku namang talasuyu at kapatad ding minie patutu tungkul kang Jesus. Ing Dios ya ing samban mu! Uling ing mihayag a katutuan tungkul kang Jesus ya ing kalamnan na ning sablang sinabi ra at sinulat ding propeta.